Yesu ali pachilambopa, jwalosisye kuti akusiŵanonyela mnope ŵandu mwamti jwayikene pakwawila. (Mateyu 20:28; Yohane 15:13) Pachangakaŵapa, jwalakwe chachilosyasoni umboni wine wakuti akusiŵanonyela ŵandu wosope pakamulichisya masengo machili gakwe mpela Mwenye jwa Uchimwene wa Mlungu ‘pakulekasya ngondo mpaka kumbesi kwa chilambo chapasi.’—Salimo 46:9.

 Alole yajikusasala Baibulo pakwamba yachachitenda Yesu:

•    “Tachimkulupusya jwakusoŵa jutachigumilajo, ni jwakulaga jwangali ŵakumkamuchisya. Jwalakwe tachatendela chanasa ŵangali machili ni ŵakulaga, tachiwukulupusya umi wa ŵandu ŵakusingalilwa. Tachikulupusya umi wawo ku ŵandu ŵawukali ni ŵakwasawusya.”—Salimo 72:12-14.

 Ana mpaka tulosye chamti uli kuti tukusayamichila yindu yosope yele Yesu ŵatutendele nambosoni yachatutendele pachangakaŵapa? Pa lilemba lya Luka 22:19, Yesu ŵasalile ŵakumkuya ŵakwe kuti akumbuchileje chiwa chakwe. Ni ligongo lyakwe, chaka chilichose ŵa Mboni sya Yehofa akusasongana pampepe kuti atende mwambo wakukumbuchila chiwa chakwe. Myoyo tukwaŵilanjila jemanja wosope kuti chayiche ku mwambo wakukumbuchila chiwa cha Yesuwu Lyamlungu, pa 24 Malichi, 2024.

Apate Malo Gakutendela Mwambo Wakumbuchila Chiwa cha Yesu