Pi Muulung ni Ma Tay e Pi Mich Rok Jehovah
Mu fil boch ban’en u murung’agen e pi muulung ni gamad ma tay. Mu pirieg reb e tagil’ e muulung romad nib chugur ngom.
Mang e Yima Rin’ ko Pi Muulung ni Gamad ma Tay?
L’agruw yay u reb e wik ni ma tay e Pi Mich Rok Jehovah e muulung rorad. (Hebrews 10:24, 25) Pi muulung ney e ba puf mat’awun urngin e girdi’ ngay, ma gamad ma fil boch e thin nu Bible riy nge rogon nrayog ni ngad fanayed u lan e yafos rodad.
Yooren e pi muulung ney ni gamad ma tay e rayog ni nge weliy e girdi’ boch ban’en riy ara ngar pied boch e fulweg ni bod rogon ni yi bay u skul. U m’on ni nge tabab e muulung ma gamad ma tang ngemu’ ma gamad meybil, maku aray rogon e n’en ni gamad ma rin’ u nap’an ni ke m’ay e muulung.
Rayog ni ngam un ko pi muulung ney ni yugu aram rogon ni gathi gur reb e Pi Mich Rok Jehovah. Gamad be pining urngin e girdi’ ni ngar bad. Dariy puluwon. Maku dariy e mokun salpiy riy.
