1. Aláàánú ni Ọlọ́run wa,

Ó ń yọ́nú síni látọkàn,

Ó nífẹ̀ẹ́ láti máa ṣoore;

Kì í fi ohun tá a fẹ́ dù wá.

Ẹlẹ́ṣẹ̀ tó bá yí pa dà

Mọ̀ pé Ó máa yọ́nú sáwọn.

Tor’ó mọ̀ páláìpé ni wá,

Olóore ni, olóòótọ́ ni.

2. Bàbá, gbọ́ igbe ẹ̀bẹ̀ wa;

Ẹ̀ṣẹ̀ mú ọkàn wa gbọgbẹ́.

K’Ọ́lọ́run lè dárí jì wá,

Kristi kọ́ wa lóhun tá ó ṣe:

Pé ká bẹ̀bẹ̀ fún àánú rẹ̀,

Ká sì lẹ́mìí ìdáríjì.

Tá a kò bá dira wa sínú,

A ó máa ní ìbàlẹ̀ ọkàn.

3. Ká jẹ́ ẹlẹ́mìí ọ̀làwọ́,

Kí àánú jẹ́ ká máa fúnni,

Kì í ṣe lọ́nà ṣekárími;

Ìyẹn máa jẹ́ ká lè láyọ̀.

Ọlọ́run ń rí wa kedere,

Yóò san wá lẹ́san ní gbangba.

Aláyọ̀ làwọn aláàánú;

Wọ́n lẹ́wà lójú Ọlọ́run.