ORIN 62
Orin Tuntun
(Sáàmù 98)
-
1. Kọ orin tuntun, orin ìyìn s’Ọ́lọ́run wa
Sọ àwọn nǹkan tó ṣe, àtèyí tó máa ṣe.
Ní gbogbo ọ̀nà, Onídàájọ́ òdodo ni.
Yin Olódùmarè,
Ọlọ́run aṣẹ́gun.
(ÈGBÈ)
Kọ orin!
Gbé ohùn rẹ sókè.
Kọrin pé:
Jèhófà lọba wa!
-
2. Bú sórin ayọ̀, fayọ̀ kọrin sí Ọlọ́run!
Gbé orúkọ rẹ̀ ga, kó o sì máa fògo fúnun.
Ọ̀pọ̀ èèyàn ló ń kọrin ìyìn sí Ọlọ́run
Ìwọ náà, dara pọ̀,
Kí gbogbo wa jọ yìn ín.
(ÈGBÈ)
Kọ orin!
Gbé ohùn rẹ sókè.
Kọrin pé:
Jèhófà lọba wa!
-
3. Kí omi òkun àtàwọn ẹ̀dá inú rẹ̀
Fìyìn f’Ọ́lọ́run wa, kí wọ́n sì fò fáyọ̀.
Kí ilẹ̀ ayé àti àwọn òkè máa yọ̀.
Jẹ́ kí gbogbo odò
Máa fìyìn f’Ọ́lọ́run.
(ÈGBÈ)
Kọ orin!
Gbé ohùn rẹ sókè.
Kọrin pé:
Jèhófà lọba wa!
(Tún wo Sm. 96:1; 149:1; Àìsá. 42:10.)
