Tí Àwọn Ẹlẹ́rìí Jèhófà Bá Ń Kọ́ Mi Lẹ́kọ̀ọ́ Bíbélì, Ṣé Dandan Ni Kí N Di Ara Wọn?
Rárá o, kì í ṣe dandan. Ọ̀pọ̀ èèyàn ló ń gbádùn bá a ṣe ń kọ́ wọn lẹ́kọ̀ọ́ Bíbélì, tí wọn ò sì di ará ìjọ wa. a Ìdí tá a fi ń kọ́ àwọn èèyàn lẹ́kọ̀ọ́ Bíbélì ni pé kí wọ́n lè mọ ohun tó wà nínú Bíbélì. Tó o bá ti mọ̀ ọ́n, ọwọ́ ẹ ló kù sí láti pinnu ohun tó o máa ṣe. A gbà pé kálukú ló máa yan ẹni tó máa sìn.—Jóṣúà 24:15.
Ṣé mo lè lo Bíbélì tèmi tí wọ́n bá ń kọ́ mi lẹ́kọ̀ọ́?
Bẹ́ẹ̀ ni. Bó tiẹ̀ jẹ́ pé Bíbélì Bíbélì Mímọ́ ti Ìtumọ̀ Ayé Tuntun tá a fi èdè tá à ń sọ lóde òní kọ ló máa ń wù wá ká lò, a sì lè fún ẹ ní ọ̀kan lọ́fẹ̀ẹ́ tó o bá fẹ́, síbẹ̀, inú wa máa dùn tó o bá lo Bíbélì tìẹ. Ó fẹ́rẹ̀ẹ́ máà sí ìtúmọ̀ Bíbélì tó ò ti lè rí ohun tí Bíbélì sọ nípa ohun tó máa ṣẹlẹ̀ lọ́jọ́ iwájú àti bá a ṣe lè rí ìgbàlà.
Kí ló dé tí ẹ̀ ń kọ́ àwọn tí kò di ara yín lẹ́kọ̀ọ́ Bíbélì?
-
Torí pé a nífẹ̀ẹ́ Jèhófà Ọlọ́run gan-an la ṣe ń ṣe bẹ́ẹ̀, ó fẹ́ káwọn Kristẹni máa kọ́ àwọn míì ní ohun tí wọ́n ti kọ́. (Mátíù 22:37, 38; 28:19, 20) Àǹfààní tí kò lẹ́gbẹ́ la kà á sí pé a jẹ́ “alábàáṣiṣẹ́pọ̀ pẹ̀lú Ọlọ́run,” ká máa kọ́ wọn lóhun tó wà nínú Ọ̀rọ̀ rẹ̀.—1 Kọ́ríńtì 3:6-9.
-
Torí pé a nífẹ̀ẹ́ aládùúgbò wa la tún ṣe máa ń ṣe bẹ́ẹ̀. (Mátíù 22:39) Ó máa ń múnú wa dùn ká máa sọ àwọn ohun àgbàyanu tá a ti kọ́ fáwọn míì.—Ìṣe 20:35.
a Lọ́dún 2022, ìkẹ́kọ̀ọ́ Bíbélì 5,666,996 là ń darí lóṣooṣù, ọ̀pọ̀ ìgbà ló sì jẹ́ pé àwọn tó jọ máa ń ṣe ìkẹ́kọ̀ọ́ kan máa ń ju ẹyọ kan lọ. Síbẹ̀, àwọn 145,552 péré ló ṣèrìbọmi tó sì di Ẹlẹ́rìí Jèhófà lọ́dún yẹn.
O Tún Lè Wo
ÌBÉÈRÈ TÁWỌN ÈÈYÀN MÁA Ń BÉÈRÈ
Kí Ni Àwa Ẹlẹ́rìí Jèhófà Gbà Gbọ́?
Ní ṣókì, wo ohun mẹ́ẹ̀ẹ́dógún [15] tá a gbà gbọ́.
NÍPA WA
Báwo La Ṣe Máa Ń Ṣe Ìkẹ́kọ̀ọ́ Bíbélì?
Níbi gbogbo kárí ayé làwọn èèyàn ti mọ àwọn Ẹlẹ́rìí Jèhófà mọ́ ìkẹ́kọ̀ọ́ Bíbélì tí wọ́n máa ń ṣe fáwọn èèyàn lọ́fẹ̀ẹ́. Wo bí wọ́n ṣe máa ń ṣe é.
ÌBÉÈRÈ TÁWỌN ÈÈYÀN MÁA Ń BÉÈRÈ
Kí Ni Ìkẹ́kọ̀ọ́ Bíbélì Táwọn Ẹlẹ́rìí Jèhófà Máa Ń Kọ́ Àwọn Èèyàn?
Ìtumọ̀ Bíbélì èyíkéyìí tó bá wù ẹ́ lo lè lò láti fi kẹ́kọ̀ọ́ Bíbélì pẹ̀lú àwa Ẹlẹ́rìí Jèhófà. O sì lè pe gbogbo ìdílé ẹ tàbí kó o pe àwọn ọ̀rẹ́ ẹ wá síbi ìkẹ́kọ̀ọ́ náà.
