Òṣìṣẹ́ kan ń ṣiṣẹ́ lára àwọn páìpù tó ń gbé omi tó gbóná.

Nínú àwọn yàrá ìmúra, àwọn òṣìṣẹ́ ń kọ́ balùwẹ̀.

Òṣìṣẹ́ kan ń tẹ́ àwọn wáyà sórí òrùlé, àwọn wáyà tó ń tẹ́ yìí ni kò ní jẹ́ kí ààrá ba àwọn nǹkan jẹ́. Òṣìṣẹ́ yẹn fi okùn kọ́ ara ẹ̀, ó sì so okùn náà mọ́ orí òrùlé yẹn kí ọkàn ẹ̀ lè balẹ̀ bó ṣe ń ṣiṣẹ́ náà pé kò sí ewu kankan.

Àwọn òṣìṣẹ́ ń nu àwọn gíláàsì torí wọ́n máa lẹ àwọn ìsọfúnni kan síbẹ̀. Àwọn nǹkan tí wọ́n fẹ́ lẹ̀ síbẹ̀ ló máa jẹ́ káwọn èèyàn tètè rí àwọn gíláàsì náà kí wọ́n má sì ṣèèṣì kọlù wọ́n.

Òṣìṣẹ́ kan ń fi kámẹ́rà wo inú ihò kó lè mọ̀ bóyá kò sí ibì kankan tó dí níbẹ̀.

Àwọn káfíńtà ń to igi sára ògiri gbọ̀ngàn tí wọ́n á máa lò fún ilé ìjẹun àti àwọn ètò pàtàkì míì.

Àwọn òṣìṣẹ́ ń gbin ewé sẹ́gbẹ̀ẹ́ ara wọn nítòsí ògiri.

Àwọn òṣìṣẹ́ ń de gíláàsì mọ́ ẹnu àbáwọlé níbì téèyàn lè dúró sí gbatẹ́gùn. Gíláàsì yìí máa jẹ́ bí ààbò fún ẹni tó bá dúró síbẹ̀, ó máa jẹ́ kí ìtànṣán oòrùn wọlé ki atẹ́gùn sì lè ya wọlé dáadáa.

Ní ọwọ́ ìta pálọ̀ ìgbàlejò, àwọn tó ń ṣiṣẹ́ mànàmáná ń de iná mọ́bẹ̀.

Òṣìṣẹ́ kan ń fi irinṣẹ́ gé páìpù táá máa gbé atẹ́gùn.

Àwọn tó ń tọ́jú ilẹ̀ ń gbin igi, wọ́n tún palẹ̀ mọ́ ibi táwọn èèyàn á máa gbà. Lápá òsì ẹ máa rí ilé ìjẹun tí wọ́n á tún máa lò fún àwọn ètò pàtàkì míì. Ilé Gbígbé-A ló wà lọ́wọ́ ẹ̀yìn yẹn.

Ẹni yìí ń ṣe páìpù tó máa tú omi síta tí iná bá ń jó.

Wọ́n ń ṣètò ilẹ̀ kí wọ́n lè fúrúgbìn àwọn òdòdó síbẹ̀. Lọ́wọ́ ẹ̀yìn, wọ́n ń fi àwọn ẹ̀rọ tó máa ń fagbára tú omi síta fọ wíńdò àwọn ọ́fíìsì.

Àwọn òṣìṣẹ́ ń fi èròjà kan tó máa ń jẹ́ kí ilẹ̀ rẹwà wọ́ ilẹ̀. Wọ́n á lo irinṣẹ́ kan tí kò ní jẹ́ kí ibì kan ga ju ibòmíì lọ, lẹ́yìn náà wọ́n á fi irinṣẹ́ míì yọ atẹ́gùn tó bá há sáàárín ilẹ̀ náà.

Àwọn òṣìṣẹ́ ń lẹ ilẹ̀ inú ilé ìjẹun tó tún jẹ́ gbọ̀ngàn tí àá máa lò fún àwọn ètò míì. Lára ògiri tó wà lọ́wọ́ ẹ̀yìn, níbi tí pèpéle máa wà, wọ́n ti gbé tẹlifíṣọ̀n sára ògiri tí wọ́n ṣe lọ́nà tí ohùn ò fi ní máa ta pa dà.

Nítòsí yàrá tí wọ́n á ti máa ṣe àwọn fídíò, káfíńtà kan ń ṣe gíláàsì àtàwọn nǹkan míì tí wọ́n á máa lò níbẹ̀.

Àwọn káfíńtà ń ṣe ohun tí wọ́n á máa fi pín ọ́fíìsì sí kéékèèké, ohun tí wọ́n ń ṣe yìí máa jẹ́ kó rọrùn tí wọ́n bá fẹ́ tún àwọn ọ́fíìsì tò lọ́jọ́ iwájú.

Agbaṣẹ́ṣe kan ń to àwọn irin tí wọ́n á máa lò níbi tí wọ́n á ti máa ṣe àwọn fídíò. Ara irin yìí ni wọ́n máa so àwọn irinṣẹ́ kan kọ́ sí, irú bíi iná àti kámẹ́rà.

A ya àwòrán yìí lọ́wọ́ òkè ní apá àríwá ilẹ̀ náà. Lápá òsì, iṣẹ́ ti parí lára Ilé Gbígbé B, C, D, E, àti F. Láàárín, ẹ máa rí Ilé Gbígbé-A, òun náà ò ní pẹ́ parí, iṣẹ́ ti parí lára Àwọn Ọ́fíìsì náà. Lápá ọ̀tún, ilé Ibi Tí Àá Ti Máa Ṣe Àwọn Fídíò àti Ibi Tí Àá Ti Máa Ṣe Àtúnṣe Nǹkan, iṣẹ́ ti fẹ́rẹ̀ẹ́ parí níbẹ̀. Àmọ́ o, iṣẹ́ àtúnṣe ojú ilẹ̀ ṣì ń lọ lọ́wọ́ ní gbogbo ọgbà náà.

Àwọn òṣìṣẹ́ ń to òkúta sí ilẹ̀ nítòsí pálọ̀ ìgbàlejò. Àtíbàbà tẹ́ ẹ̀ ń rí lẹ́yìn yẹn ló ń ṣíji bo àwọn òṣìṣẹ́ tó ń fọ ilẹ̀ tí wọ́n ṣẹ̀ṣẹ̀ ṣe.