MAÃ RESÉ UKUNTARI
Ajudaita ti arama yambá yané vida irum
YEPÉ kuñhãmuku isera uaá Diana, * aé yepé kuñhã puranga asuí ukuá panhe maã resé. Ma amuita ta umaã uaá suí té aé surí, ugustari uyumusarai, ma uyusaãuara uiku maié auá ti yaué uvaleri ne maã. Aé uñheẽ muíri ara uputari umanu. Aé umaité ne marã miraita ta uputari sá aé umanu.
“Miraita ta uyumbué uaá kuaié uaá resé ta umbeu: siya miraita ta usikari ta uyuyuká, asuí syia yuíri ta umanduari ta uyuyuká.” — THE GAZETTE, MONTREAL, CANADÁ.
Aé uñheẽ yuíri isupí té ti uputari uyuyuká. Ma amu ramé umanduari ne marã uviveri yuíri. Amu ramé aé uputari maã uyuká aé. Ixupé arama puranga píri manusá.
Syia miraita ta uyusaã Diana yaué. Amuita até ta usikari ta uyuyuká. Médikoita, ta uyumbué uaá kuá resé, ta uñheẽ miraita ti ta uputari ta uyuka ta vida, ma amu ramé tiana ta uputari ta upurará. Ma kuá mirata ta upresisari ta ukuá marã ta urikuté ta uviveri.
Marã ti rerikuté rembá ne vida irum? Yasu yamaã musapiri maã uajudari uaá kuri indé.
^ parágrafo 3 Isera uyutrukari.
