UMBUESÁ 18

Mayé yapoderi yakuá awá cristão supiwaitá?

UYUPIRŨ

Pañhe kuá mundo upé siya miraitá ta umbeu aintá cristão. Ma aikué siya religião amurupí tiwaá ta uruyari yepewasú. Ape mayé yapoderi yakuá awá cristão supiwaitá?

1. Maã uputari umbeu kuá ñheenga cristão?

Cristão aé yepé Jesus discípulo u awá usú Jesus Kristo rakakuera. (Releri Ato 11:26.) Maã uxari yakuá yepé mira aé yepé Jesus discípulo? Jesus umbeu: “Peikú ramé kurí se ñheenga resé supiwaá ambuewaitá kurí peñhe.” (João 8:31) Kuá uxari yakuá yepé cristão supiwaá usendú maã Jesus umbeuwaá. Jesus umbué kuera asuí umuñhã pañhe maã mayé Deus Ñheenga umbeuwaá yawé. Yaweté yuíri cristão supiwaitá ta umbeu asuí ta umuñhã pañhe maã mayeté Bíblia umunduwaá. — Releri Luka 24:27.

2. Mayé cristão supiwaitá ta uxari ta ukuá ta usaisuwaá amuitá?

Jesus umbeu idiscípuloitá supé: ‘Peyugustari peñhe pawa kuayé agustariwaá yawé peñhe.’ (João 15:12) Mayé Jesus uxari yakuá aé usaisú idiscípuloitá? Aé uajudari asuí umusurí idiscípuloitá, asuí usikari usasá tempo aintá irum. Jesus até umanũ idiscípuloitá rupí. (1 João 3:16) Yaweté yuíri cristão supiwaitá ti añhũ ta ukuntari saisusá resé. Aintá ta uxari ta ukuá ta usaisú amuitá ta umbeuwaá rupí asuí ta umuñhãwaá rupí.

3. Mayewaá murakí cristão supiwaitá ta umuñhã?

Jesus uxari yepé murakí importantewaá idiscípuloitá supé. ‘[Aé] umundú aintá usú aintá umbué arama sesé kuá Deus [Reino].’ (Luka 9:2) Ma cristãoitá ti añhũ ta umbué kuera mamé miraitá ta uyumuatiriwaá ta uadorari arama Deus. Aintá ta umbeu kuera yuíri mamentu aikuewaá miraitá asuí ukaitá rupí. (Releri Ato 5:42; 17:17.) Yané tempo upé cristão supiwaitá ta umbué yuíri supiwaá Bíblia resé pañhe mamé aikuewaá miraitá. Aintá ta usaisú miraitá. Yawé arama, ta upitá surí ta usari rupí ta tempo asuí ta kirimbasá ta umbué arama puranga Deus Ñheenga amuitá supé. — Marko 12:31.

REYUMBUÉ PIRI ARAMA

Remaã mayé cristão supiwaitá aintá amurupité tiwaitá suí ta usendú maã Jesus umbeu ne ta umuñhã mayé iyawé.

4. Aintá ta uputari ta ukuá supiwaá resé uikuwaá Bíblia upé

Cristãoitá kuxiíma kuera ta usendú Deus Ñheenga, ta umbeu puranga Deus Ñheenga resé asuí ta uyusaisú

Yepeyepé ta umbeuwaá aintá cristão, ti importante aintá supé ta ukuá supiwaá Bíblia resé. Pemaã kuá VÍDEO. Ariré pekuntari kuá resé:

VÍDEO: Mayé cristãowaitá ta uxari supiwaá (5:11)

Maã yepeyepé igrejaitá ta umbué amurupité maã suí Jesus umbuewaá?

Jesus umbué supiwaá Deus Ñheenga resé. Peleri João 18:37. Ariré pekuntari kuá resé:

Mayé Jesus umbeu, mayé yapoderi yakuá awá cristão “supiwaitá”?

5. Aintá ta umbeu supiwaá Deus Ñheenga resé

Cristãoitá kuxiíma kuera ta usendú Deus Ñheenga, ta umbeu puranga Deus Ñheenga resé asuí ta uyusaisú

Uyuíri rundé iwaka kití, Jesus uxari yepé murakí idiscípuloitá supé ta umuñhãwaá até kuíri. Peleri Mateu 28:19, 20 asuí Ato 1:8. Ariré pekuntari kuá resé:

Será aintá ta umbeu arama kuá ñheenga purangawaá añhũ yepeyepé tetama upé? Até mairamé ta umbeu arama kuá ñheenga purangawaá resé?

6. Aintá ta umuñhã mayeté ta umbuewaá yawé

Maã uajudari yepé apigá iserawaá Tom ukuá arama awá cristão supiwaitá? Pemaã kuá VÍDEO. Ariré pekuntari kuá resé:

VÍDEO: Ti aputari kuera akuá religião resé (5:20)

Maã umuñhã Tom ti uputari religião?
Maã uajudari Tom ukuá arama uwasemu supiwaá?

Maã yamuñhã importante piri yambeuwaá suí. Peleri Mateu 7:21. Ariré pekuntari kuá resé:

Maã Jesus umaã importante piri: maã yambeu yaruyariwaá u maã yamuñhã yaxari arama ta ukuá yaruyariwaá?

7. Ta uyusaisú supí

Cristãoitá kuxiíma kuera ta usendú Deus Ñheenga, ta umbeu puranga Deus Ñheenga resé asuí ta uyusaisú

Será cristãoitá ta usasaté yawaitewaá rupí ta usalvari arama ta imũitá? Pemaã kuá VÍDEO. Ariré pekuntari kuá resé:

VÍDEO: Aé uputari umanũ irupí (2:55)

Kuá vídeo upé, marã Lloyd usasá yawaitewaá rupí usalvari arama imũ Johansson?
Indé arama, será maã Lloyd umuñhã uxari yakuá aé yepé cristão supiwaá?

Peleri João 13:34, 35. Ariré pekuntari kuá resé:

Mayé Jesus discípuloitá ta uyutratari arama? Será importante ta supé ta mirasá u mamé ta umorariwaá?
Será aintá ta uyusaisú até aikué ramé yepé guerra?

YEPEYEPÉ MIRAITÁ TA UMBEU: “Ti importante mayewaá ne religião; importante reruyari Jesus resé.”