Yaʼab máakoʼobeʼ jach preocupadoʼob yoʼolal le baʼaloʼob kun sen úuchul teʼ año 2024. Chéen baʼaleʼ yaan baʼax jeʼel u u tsʼáaiktoʼon esperanzaeʼ. ¿Baʼaxiʼ?

 Le Bibliaoʼ ku prometertikeʼ Dioseʼ maʼ kun xáantal ken u xuʼuls tuláakal le problemas beetik k-sufriroʼ. Dioseʼ «yaan u choʼik tuláakal u jaʼil u [yich máak], maʼ tun yantal kíimil, mix okʼol, mix kʼiʼinamil yéetel mix máak kun muʼyaj» (Apocalipsis 21:4).

•   Utiaʼal a wojéeltik u maasil yoʼolal le jatsʼuts promesaʼob ku yaʼalik le Bibliaoʼ ilawil le xook ich español «La esperanza real de un mañana mejor».

 Le baʼaxoʼob ku yaʼalik le Bibliaoʼ ku tsʼáaiktoʼon esperanza yéetel ku yáantkoʼon utiaʼal maʼ k-sen chiʼichnaktal yoʼolal le baʼaloʼob ku taal u kʼiinil u yúuchloʼ (Romanos 15:13). Tsʼoʼoleʼ jeʼel xan u yáantkoʼon utiaʼal k-aktáantik le problemas ku yilaʼal teʼ kʼiinoʼobaʼ, jeʼex le óotsililoʼ, le injusticiaoʼ yéetel le kʼojaʼaniloʼoboʼ.

•   Ilawil bix úuchik u yáantaʼal juntúul máak tumen le esperanza ku tsʼáaik le Biblia utiaʼal ka yanaktiʼ jeetsʼelil yéetel kiʼimak óolal kex líiʼsaʼab ich óotsilil. Chaʼant le video Juan Pablo Zermeño: Jéeobaeʼ tu tsʼáaj u biilal in kuxtal.

•   Le Bibliaoʼ jeʼel u yáantkech utiaʼal maʼ u jach lúubul a wóol wa ka kíimik juntúul máax a yaabiltmeʼ, wa ka wuʼuyikaba culpableil yoʼolal wa baʼax bey xan wa yaantech estrés wa ansiedad. Ilawil le xook «¿Jeʼel wa u yáantken le baʼax ku yaʼalik le Bibliaoʼ?».

•   Ilawil bix úuchik u yáantaʼal tumen le Biblia juntúul koʼolel ku beetik u soldadoil kaʼachi. Letiʼeʼ ku yaʼalikeʼ jach ‹maʼ kiʼimak u yóol kaʼachi yéetel jach kʼasaʼan›. Chaʼant le video Tin pulaj in tsʼoon.

 Jeʼel u bintech utsil bey xan tiʼ a familia teʼ año 2024. Utiaʼal a wojéeltik bix jeʼel u yáantkech u Tʼaan Dioseʼ kʼáat ka tsʼaʼabaktech xook yéetel le Bibliaoʼ, lelaʼ gratis. Beyoʼ Dioseʼ yaan u beetik u yantaltech jeetsʼelil yéetel yaan u béeychajal le baʼax ka páaʼtikoʼ (Jeremías 29:11).