1. Jach u yaabiltmoʼon Jéeoba Dios

yéetel kiáantkoʼon náatsʼal tu yiknal.

Kex maʼ k-náajaltmeʼ ku yaʼalik

ka k-il k-xíimbal yéetel tiaʼal mantatsʼ.

Wa k-kʼáat xíimbal yéetel Dioseʼ

kʼaʼabéet k-eʼesik k-yaabiltmaj.

Kʼaʼabéet k-eʼesik kabal óolal

tiaʼal xan k-beetik baʼax uts tu tʼaan.

2. Tumen naatsʼ yanil u kʼiinil

tiaʼal u xuʼulsaʼal le kʼasaʼaniloʼ,

Satanaseʼ taak u beetik

k-xúumpʼattik u kaajal Jéeoba Dios.

Kʼaʼabéet k-eʼesik chúukaʼan óolal

tiaʼal maʼ k-lúubul tiʼ baʼax kʼaas.

Dios xaneʼ yaan u kanáantkoʼon,

mix bikʼin ken u xúumpʼattoʼon.

3. Jéeoba Dioseʼ jach ku yáantkoʼon,

kiuʼubik baʼaxoʼob k-kʼáatiktiʼ mantatsʼ.

U kiliʼich muukʼ xan ku tsʼáaiktoʼon

tiaʼal u páajtal k-eʼesik k-yaabiltmaj.

Yéetel baʼaxoʼob kiaʼak u Tʼaaneʼ

k-chaʼik u nuʼuktik xan k-kuxtal.

Letiʼeʼ jach yaan u kanáantkoʼon.

¡Koʼoneʼex xíimbal yéetel Jéeoba!