Techeʼ ¿baʼax ka tuklik?

• Letiʼ

• Maʼ

• Maʼ xaaniʼ

Baʼax ku yaʼalik le Bibliaoʼ

«¡Mix a chéen tukultikeʼex wa jeʼel u beetik [Dios] le sen Aj Páajtalil junpʼéel baʼal kʼaas, wa baʼax maʼ tu beeliʼ!» (Job 34:10.) Maʼ Dios beetik u yantal le muʼyajil yaan teʼ yóokʼol kaabaʼ.

Baʼax uláakʼ ku yaʼalik le Bibliaoʼ

• Satanás, «u gobernanteil le yóokʼol kaab[aʼ]», maases letiʼ beetik u yantal muʼyajil (Juan 14:30).

• Yaan horaeʼ maʼ maʼalob baʼax ku chʼaʼtuklik u beetik máakiʼ, le oʼolal ku yantal muʼyajil yéetel ku yúuchul baʼax kʼaas (Santiago 1:14, 15).

Baʼax ku tuklik jujuntúul máakoʼob. Yaan máaxoʼob tuklikeʼ wa ku múul meyajoʼobeʼ jeʼel u xuʼulskoʼob le muʼyajiloʼ. Uláakʼoʼobeʼ ku tuklikoʼobeʼ maʼ tun utstal le baʼaxoʼob ku yúuchul teʼ yóokʼol kaabaʼ. Techeʼ ¿baʼax ka tuklik?

Baʼax ku yaʼalik le Bibliaoʼ

Dios kun xuʼulsik le muʼyajiloʼ. «Maʼ tun yantal kíimil, mix okʼol, mix yaj óolal, mix kʼiʼinamil.» (Apocalipsis 21:3, 4.)

Baʼax uláakʼ ku yaʼalik le Bibliaoʼ

• Yéetel u yáantaj Jesuseʼ, Dioseʼ yaan u xuʼulsik le muʼyajil ku yantal yoʼolal le Kʼaasilbaʼaloʼ (1 Juan 3:8).

• Le Luʼumaʼ yaan u chuʼupul yéetel utsul máakoʼob kun kuxtaloʼob utiaʼal mantatsʼ (Salmo 37:9-11, 29).