Tu luʼumil Estados Unidoseʼ entrevistartaʼab paalaloʼob yaantiʼob kex 15 wa 19 años, óoliʼ u táanchumukil tiʼ letiʼobeʼ tu yaʼaloʼobeʼ tsʼoʼok u yantaltiʼob sexo oral a (Centros para el Control y la Prevención de Enfermedades, de Estados Unidos). Sharlene Azam, juntúul koʼolel tu tsʼíibtaj junpʼéel libroeʼ, tu yaʼalaj: «Wa ka tsikbalnakech yéetel juntúul táankelem paaleʼ yaan u yaʼaliktecheʼ jach normal u yantal sexo oral tiʼ máak». Tu yaʼalaj xan: «Le táankelmoʼoboʼ ku yaʼalikoʼobeʼ le kéen yanaktiʼob sexo oraleʼ maʼ táan u yantaltiʼob relaciones sexualesiʼ» (Oral Sex Is the New Goodnight Kiss).

•  Techeʼ, ¿baʼax ka tuklik tu yoʼolal?

•  ¿Máakalmáak u jaajil?

•  ¿Kʼaʼabéet wa k-chʼaʼik en cuenta baʼax ku yaʼalik Dios?

 Aʼal jeʼeleʼ wa maʼatech.

1.   ¿Jeʼel wa u embarazar juntúul x-chʼúupal ikil u yantaltiʼ sexo oraleʼ?

   1.   Jeʼeleʼ

   2.   Maʼatech

2.   ¿Jeʼel wa u tsaʼayal wa baʼax kʼojaʼanil tiʼ máak ikil u yantaltiʼ sexo oraleʼ?

   1.   Jeʼeleʼ

   2.   Maʼatech

3.   Le sexo oraloʼ, ¿láayliʼ wa letiʼe u yantal relaciones sexuales tiʼ máakoʼ?

   1.   Jeʼeleʼ

   2.   Maʼatech

 Ilawil wa igual le baʼax ta núukaj yéetel le baʼax ku tsoʼolol kabaloʼ.

1.   ¿Jeʼel wa u embarazar juntúul x-chʼúupal ikil u yantaltiʼ sexo oraleʼ?

    U núukil: Maʼatech. Le oʼolal yaʼab máakoʼobeʼ ku tuklikoʼobeʼ maʼ kʼaas u yantal sexo oral tiʼ máakiʼ.

2.   ¿Jeʼel wa u tsaʼayal wa baʼax kʼojaʼanil tiʼ máak ikil u yantaltiʼ sexo oraleʼ?

    U núukil: Jeʼeleʼ. Le máax ku yantal sexo oral tiʼeʼ jeʼel u tsaʼayaltiʼ hepatitis A wa B, jeʼel u jóokʼol aaxoʼob tu xiibil wa tu x-chʼuupileʼ yéetel jeʼel xan u tsaʼayaltiʼ gonorrea, herpes, sida wa sífiliseʼ.

3.   Le sexo oraloʼ, ¿láayliʼ wa letiʼe u yantal relaciones sexuales tiʼ máakoʼ?

    U núukil: Jaaj, beyoʼ. Ichil le relaciones sexualesoʼ táakaʼan jeʼel baʼaxak ka u beet máak yéetel u xiibil wa u x-chʼuupileʼ. Ichil le baʼaloʼobaʼ táakaʼan le sexo oraloʼ, le sexo analoʼ yéetel u masturbartik máak uláakʼ wa máax.

 Koʼox ilik baʼax ku yaʼalik le Biblia yoʼolal le sexo oraloʼ.

 Le Bibliaoʼ ku yaʼalik: «Dioseʼ u kʼáat ka [...] a náachkuntabaʼex tiʼ le núupkʼebanoʼ» (1 Tesalonicenses 4:3).

 Le tʼaan «núupkʼeban» meyajnaj teʼ Bibliaoʼ u kʼáat u yaʼal u yantal baʼal u yil kaʼatúul máaxoʼob maʼ tsʼokaʼan u beeloʼobiʼ. Ichil lelaʼ táakaʼan relaciones sexuales, sexo oral, sexo anal yéetel u masturbartik máak uláakʼ wa máax. Le máaxoʼob ku núupkʼebantaloʼoboʼ jach yaʼab baʼaxoʼob ku muʼyajtikoʼob. Pero u maas kʼaasileʼ ku náachtaloʼob tiʼ Dios (1 Pedro 3:12).

 Le Bibliaoʼ ku yaʼalik: «Le máax ku núupkʼebantaleʼ ku kʼebantal tu contra u wíinklil» (1 Corintios 6:18).

 Le sexo oraloʼ jeʼel u beetik u tsaʼayal kʼojaʼaniloʼob yéetel u xuʼulul u biskuba máak yéetel Dioseʼ. Tsʼoʼoleʼ jeʼel xan u beetik u deprimir máakeʼ wa u jach yaatal u yóol. Junpʼéel libroeʼ ku yaʼalik: «Kex jeʼel bixak ka yanak relaciones sexuales tiʼ máakeʼ, wa u yojel maʼ unaj u beetkeʼ, kéen tsʼoʼokkeʼ yaan u yuʼubikuba arrepentido, yaan u yaatal u yóol yéetel yaan u yuʼubik maʼ yaabiltaʼaniʼ. Jeʼel bixak ka yanak sexo tiʼ máakeʼ láayliʼ relaciones sexualeseʼ» (Cómo hablar de sexo con los adolescentes para que te escuchen).

 Le Bibliaoʼ ku yaʼalik: «Teneʼ Jéeobaen, teen a Dios, teen le máax kaʼansikech utiaʼal u bintech utsiloʼ» (Isaías 48:17).

 A tuklikeʼ le baʼax ku yaʼalik Dios yoʼolal le sexooʼ, ¿jeʼel wa u beetik u bintech utsileʼ wa ka wuʼuyik maʼ tu chaʼik a beetik mix baʼal? Máans ta tuukuleʼ táan a manejar tiʼ junpʼéel carretera tuʼux jach yaʼab u máan cocheʼobiʼ. Teʼeloʼ ka wilkeʼ yaan señalamientoʼob eʼesiktech bukaʼaj chichil unaj a bin yéetel tuʼux unaj a wéemsik a velocidad. A tuklikeʼ, ¿le señalamientoʼoboʼ jeʼel wa u kanáantkechoʼobeʼ? ¿Baʼax jeʼel u yúuchul wa mix máak beetik le baʼax ku yaʼalik le señalamientoʼoboʼ?

 Bey xan u yúuchul yéetel le baʼax ku yaʼalik Diosoʼ. Wa maʼ ta chʼaʼikoʼob en cuentaeʼ yaan u bintech kʼaasil (Gálatas 6:7). Junpʼéel libroeʼ ku yaʼalik: «Wa ku xuʼulul a beetik le baʼaxoʼob ka creertik maʼaloboʼ yaan u xuʼulul a respetarkaba» (Sex Smart). Chéen baʼaleʼ wa ka tsʼáaik ichil a kuxtal le baʼax ku yaʼalik Diosoʼ yaan a weʼesik taak a beetik baʼax maʼalob. Tsʼoʼoleʼ yaan u yantaltech junpʼéel maʼalob conciencia (1 Pedro 3:16).