¿Baʼax le Cuerpo Gobernante tiʼ u testigoʼob Jéeobaoʼ?
Le Cuerpo Gobernanteoʼ u chan múuchʼ cristianoʼob yiijchajaʼan u tuukuloʼob ku nuʼuktikoʼob le meyaj ku beetaʼal tuláakal yóokʼol kaab tumen u testigoʼob Jéeobaoʼ. Kaʼapʼéel baʼal táakaʼan ichil u meyajoʼob:
Ku yilkoʼob ka preparartaʼak le baʼaxoʼob ku jóokʼol teʼ publicacionoʼoboʼ, le baʼaxoʼob ku tsoʼolol teʼ muchʼtáambaloʼoboʼ bey xan le kaʼansaj ku tsʼaʼabal teʼ jejeláas escuelaʼob yaan tiʼ u testigoʼob Jéeobaoʼ (Lucas 12:42).
Ku nuʼuktikoʼob le meyaj ku beetik u testigoʼob Jéeoba tiʼ tuláakal yóokʼol kaaboʼ. Ichileʼ táakaʼan u yilkoʼob bix kun úuchul kʼaʼaytaj yéetel bix kun meyaj le taakʼin yéetel uláakʼ baʼaloʼob ku siʼibiloʼ.
Le Cuerpo Gobernanteoʼ ku meyaj jeʼex «le apostoloʼob yéetel le ancianoʼob» anchajoʼob Jerusalén teʼ yáax siglooʼ. Le apostoloʼob yéetel le ancianoʼoboʼ ku chʼaʼtuklikoʼob kaʼach baʼaloʼob utiaʼal u yutsil tuláakal le múuchʼ cristianoʼoboʼ (Hechos 15:2). Letiʼobeʼ maʼ u nojchiloʼob kaʼach le múuchʼuliloʼ. Bey túun xanoʼ le máaxoʼob yanoʼob ichil le Cuerpo Gobernante bejlaʼoʼ maʼ u nojchiloʼob u testigoʼob Jéeobaiʼ. Letiʼobeʼ mantatsʼ ku xakʼaltikoʼob tubeel le Biblia utiaʼal u kaxtikoʼob u nuʼuktaj Jéeoba, yéetel ku kʼamkoʼob Jesucristo bey u Poolil le múuchʼuliloʼ (1 Corintios 11:3; Efesios 5:23).
¿Máaxoʼob yanoʼob ichil le Cuerpo Gobernante bejlaʼoʼ?
Le máaxoʼob yanoʼob ichil le Cuerpo Gobernanteoʼ letiʼ leloʼobaʼ: Kenneth Cook, Jr., Gage Fleegle, Samuel Herd, Geoffrey Jackson, Stephen Lett, Gerrit Lösch, Mark Sanderson, David Splane yéetel Jeffrey Winder. Tuláakloʼobeʼ tiʼ ku meyajoʼob teʼ sede mundial yaan Warwickoʼ (Nueva York, Estados Unidos).
¿Bix u meyaj le Cuerpo Gobernanteoʼ?
Le Cuerpo Gobernanteoʼ tsʼoʼok u beetik seis comiteʼob ku yilkoʼob le jejeláas meyajoʼob ku beetik le Testigoʼoboʼ. Cada juntúul tiʼ le máaxoʼob yanoʼob ichil le Cuerpo Gobernanteoʼ ku múul meyaj yéetel junpʼéel comité wa yéetel uláakʼ comiteʼob.
Comité tiʼ Coordinadoroʼob. Ku yilik bix u meyaj le departamento tiʼ asuntos legalesoʼ, le baʼaxoʼob ku beetaʼal ken úuchuk nukuch loobiloʼob wa ken chʼaʼpachtaʼak u testigoʼob Jéeobaoʼ bey xan ken beetaʼak u muʼyajoʼob.
Comité tiʼ Personal. Ku yilik tuláakal baʼax yaan yil yéetel le máaxoʼob yanoʼob Beteloʼ; leloʼobaʼ letiʼe máaxoʼob ku meyajoʼob teʼ sucursaloʼob yaan tiʼ u testigoʼob Jéeobaoʼ.
Comité tiʼ Publicación. Ku yilik le meyaj ku beetaʼal utiaʼal u jóoʼsaʼal le publicacionoʼob yéetel u túuxtaʼal tiʼ tuláakal yóokʼol kaaboʼ, bey xan u beetaʼal Najiloʼob Reino, centros de traducción yéetel sucursaloʼob.
Comité tiʼ Servicio. Ku nuʼuktik le meyaj ku beetaʼal utiaʼal u kʼaʼaytaʼal «u maʼalob péektsilil le Reino[oʼ]» (Mateo 24:14).
Comité tiʼ Enseñanza. Ku yilik baʼax kun kaʼansbil teʼ muchʼtáambaloʼoboʼ, teʼ jejeláas escuelaʼoboʼ, bey xan teʼ videoʼob yéetel uláakʼ baʼaloʼob ku grabartaʼaloʼoboʼ.
Comité tiʼ Redacción. Utiaʼal u kaʼansaʼal baʼax ku yaʼalik le Bibliaoʼ, le comiteaʼ ku yilik baʼax kun tsʼaabil teʼ publicacionoʼoboʼ bey xan teʼ kúuchil yaantoʼon ich Internetoʼ. Tsʼoʼoleʼ ku nuʼuktik le meyaj ku beetaʼal tu Departamentoil Traduccionoʼ.
Tsʼoʼoleʼ cada semanaeʼ le máaxoʼob yanoʼob ichil le Cuerpo Gobernanteoʼ ku muchʼkubaʼob utiaʼal u yilkoʼob baʼaxoʼob kʼaʼabéet tiʼ le Testigoʼob utiaʼal u seguer u múul meyajoʼoboʼ. Ken u muchʼubaʼobeʼ ku xakʼaltikoʼob baʼax ku yaʼalik le Bibliaoʼ yéetel ku chaʼik u nuʼuktaʼaloʼob tumen u kiliʼich muukʼ, wa u espíritu santo Dios. Ken u chʼaʼtukloʼob wa baʼaxeʼ ku tsʼáaik u yóol u beetoʼob yéetel junpʼéeliliʼ tuukul (Baʼaxoʼob 15:25).
Máaxoʼob áantik le Cuerpo Gobernanteoʼ
Ichil cada junpʼéel tiʼ le comiteʼob yaan tiʼ le Cuerpo Gobernanteoʼ yaan cristianoʼob chúukaʼan u yóoloʼob yéetel jach u yojel u beetoʼob le meyaj tsʼaʼantiʼoboʼ (1 Corintios 4:2). Letiʼobeʼ ku muchʼkubaʼob cada semana yéetel le comité tuʼux ku meyajoʼoboʼ. Kex maʼ letiʼob chʼaʼtuklik baʼax kun beetbileʼ, ku yaʼalikoʼob baʼax ku tuklikoʼob utiaʼal u yilaʼal wa jeʼel u yáantajeʼ, ku beetkoʼob le baʼax ku chʼaʼtuklaʼaloʼ yéetel ku yilkoʼob baʼax utsil ku taasik. Le Cuerpo Gobernante xanoʼ jeʼel u páajtal u yaʼaliktiʼob ka u xíimbaltoʼob uláakʼ Testigoʼob yanoʼob tiʼ uláakʼ luʼumoʼobeʼ, bey xan ka táakpajkoʼob teʼ programaʼob especialoʼoboʼ, jeʼex u muchʼtáambalil cada jaʼab wa le muchʼtáambal ku beetaʼal ken tsʼoʼokok junpʼéel u xookil u Escuelail Galaadoʼ.
Comité |
Kʼaabaʼob |
---|---|
Coordinadoroʼob |
|
Personal |
|
Publicación |
|
Servicio |
|
Enseñanza |
|
Redacción |
|