¿Balac laa Dios noʼ?
Mod rabexa la Biblia láani
Toibsi laa Dios noʼ. Ló diitz hebreo racáni יהוה né ló dixtil racáni «Jehová». a Dios golonésbu profeta Isaías par nacaʼ ndeʼ: «Naʼ naca Jehová. Ndeʼ laaya» (Isaías 42:8). Laa Dios sieedni midid 7.000 buelt ló guiichgool xtuny la Biblia ni cuá nírcu, laabu ritlani más que stipnés títulos xtunybu o stipnés laa buñ. b
¿Noʼ más laa Jehová la?
Ná la Biblia ná que Dios noʼ toibsi laabu, láaca raquiinni xidal títulos ni raslooy ximod nac Dios. Lainyguet reʼ sarecaa tipnés títulos ni sieed ló la Biblia né xi radudyni diitz. Cuá cuidad que tigaagani raslooyni ximod nac Jehová.
Título |
Ro sieedni ló la Biblia |
Ni radudyni diitz |
|---|---|---|
Alá |
(Diti sieedni) |
Alá nacni toib diitz árabe. Diti nacni laa Dios, nacni toib título ni radudy diitz «Dios». Ló biblias xtuny buñ árabe —né ló stipnés diitz— órni raniʼyibu Alá nacni suusi caniʼyibu Dios. |
Alfa né Omega |
Alfa nacni primer letra xtuny alfabeto griego, né omega nacni última letra. Radudyni diitz que Jehová ngú «ni primer né último» o «ro rasaló né ro ralox», antes de láabu diti goyoʼ ni toib dios ni nap xiroʼ galnadip né después de láabu diti sioʼ ni toib (Isaías 43:10). |
|
Alfarero |
Labúu gony mandarybu tanli buñ né gudxrop, xomodca toib buñ ni rasaʼ guus labúu gonybu nitisi nainy láabu né been (Romanos 9:20, 21). |
|
Anciano de Días |
Diti goyoʼ ni bisaʼ láabu; maca noʼbu antes de nabany buñ o stipnés cós (Salmo 90:2). |
|
Bixiosno |
Por láabu nabanyno. |
|
Celoso |
Diti rioladxbu guienno stipnés dioxh. Diitzreʼ rasienni lóono que «nosi láabu non gony adorarno». |
|
Creador |
Láabu bisaʼbu guiráxadit ni noʼ. |
|
Dios |
Radudyni diitz nitisi cós ni rien buñ o toib buñ nadip. Diitz hebreo ʼElohím radudyni diitz que Jehová nacbu toib Dios ni non guidziguiaʼno, toib Dios nirodandiguieʼ né non gapno respet láabu. |
|
Dios bendito |
1 Timoteo 1:11, Reina-Valera |
Nacbu toib Dios ni noʼ nakit guirá ór (Salmo 104:31). Láaca rac traducirni xomod «Dios ni rabaladx». |
Dios de dioses |
Nosi láabu rareʼ loguiaʼbu ló «guirá dioxh ni diti noʼ pu raquiin» (Isaías 2:8). |
|
Gran Creador |
Bisaʼbu guiráxadit ni noʼ (Apocalipsis 4:11). |
|
Guielaa |
Ronoʼbu labúu guilaano né diti noʼ xi sacno. |
|
Mextra |
Isaías 30:20, 21, La Biblia de las Américas |
Láabu ragonésbu né rasuidybu lóono par tzeeni lóono galán (Isaías 48:17, 18). Láaca labúu gac traducirni xomod «Mextra ni nan rasuidy». |
Naʼ Gaca ni nainy naʼ gaca |
Diti nosi raniʼni que noʼ Dios, cuáni ló diitz hebreo né radudyni diitz que Dios rac nitisi nainy láabu gacbu par guirebuʼ ni nábu. Diitzreʼ láaca rac traducirni scareʼ: «Naʼ saca ni nainy naʼ». Mod rarexani racnéni lóono guienno xi radudy diitz laa Dios, Jehová, ni sieed ló versículo reʼ (Éxodo 3:15). |
|
Ni nap Xiroʼ galnadip |
Diti noʼ ni toib ni labúu rigaʼl xcalnadipbu. Diitz hebreo ’El Schaddái, ni radudy diitz «Dios ni nap xiroʼ galnadip», sieedni gatz buelt ló la Biblia. |
|
Ni noʼ más Guiaʼ |
Láabu ngú Dios ni noʼ más guiaʼ. |
|
Ni racadiag oración |
Laʼpabu racadiagbu oración xtuny buñ ni rony láani né fe. |
|
Ni ralaa |
Rabeʼbu buñ ladxña galgoity né galrranitló. |
|
Pastor |
Ranbu buñ ni rien láabu. |
|
Redentor, Recomprador |
Isaías 41:14; Reina-Valera |
Raquiimbu xcalgoity Jesús par guilaabu né cueʼbu buñ ladxña galkié né galgoity (Juan 3:16). |
Rey ni noʼ por tipzó |
Láabu napbu más galmandary né diti sadxin dzú sasnitbu láani. |
|
Santísimo |
Láasibu nayaabu de guiráxadit mod, ni toib buñ o dioxh sigaʼl láabu. |
|
Señor |
Nacbu xpixuan buñ; ló diitz hebreo racáni ʼAdhóhn né ʼAdhoním. |
|
Señor Soberano |
Láasibu rony mandarybu ló guidopynac Gudxlio. Ló diitz hebreo racáni xomod ’Adhonái. |
|
Supremo |
Láasibu ngú Dios ni noʼ más Guiaʼ né diti noʼ stoib ni rigaʼl Xcalmandarybu. |
|
Yahvé Sebaot, Señor de los ejércitos |
Isaías 1:9, Romanos 9:29, Biblia de Jerusalén, 1998 |
Láabu rasanirbu nisló xidalguixo ángeles ni noʼ lainy guibá. Diitzreʼ láaca rac traducirni xomod «Jehová ni rasanir nisló xidalguixo soldad» o «SEÑOR ni rasanir nisló xidalguixo soldad ni noʼ lainy guibá» (Romanos 9:29). |
Laa tipnés lagary ni sieed ló Escrituras Hebreas
Tipnés lagary ni sieed ló la Biblia napni laa Dios, per diti scá non guinino laa Dios.
Lagary |
Ro sieedni ló la Biblia |
Ni radudyni diitz |
|---|---|---|
Jehová-nisí |
«Jehová nac Poste o Señal xtuni» (La Palabra de Dios para Todos). Xcudx Jehová labúu guidop ronoʼbu né guilaa (Éxodo 17:13-16). |
|
Jehová-salom |
«Jehová Nac Paz». |
|
Jehová-sama |
Ezequiel 48:35, Reina-Valera |
«Jehová Noʼcabu Ca». |
Jehová-yiré |
«Jehová Sadudy ni caquiinno». |
¿Xigony rasac guimbuno né guiquiinno laa Dios?
Par Dios laabu nigolú rasacni, por ngú goloʼbu láani xidal mil buelt ló la Biblia (Malaquías 1:11).
Xiin Dios, Jesucristo, xidal buelt goleʼ loguiaʼbu laa Dios. Por ejemplo, órni goninébu Jehová goniʼbu: «Gac nayaa laalo» (Mateo 6:9; Juan 17:6).
Buñ ni rasuidy né raquiin laa Dios casaló cadzakbu Jehová (Salmo 9:10; Malaquías 3:16). Pal racbu ximig Dios, Dios raiby láabu ndeʼ: «Portín ronladxbu naʼ, salaaya láabu. Saana láabu portín rimbubu laaya» (Salmo 91:14).
La Biblia ná: «Noʼ xidal ni rareʼ laa dioses tanli lainy guibá né ló gudxlio, xomodca noʼ xidal dioses né xidal señores» (1 Corintios 8:5, 6). Per órni raquiinno laapa Dios, Jehová, caslooyno que láabu ngú Dios ni nigolú (Salmo 83:18).
a Tipnés buñ ni nantzay diitz hebreo más rioladxyibu gac traducirni xomod «Yahweh» o «Yahvé».
b Diitz dop xtuny Dios, Jah, sieedni midid cincuent buelt ló la Biblia. Por ejemplo, laabu sieedni ló diitz Aleluya, ni radudy diitz «Colgonyxiroʼ Jah» (Apocalipsis 19:1; Reina-Valera).
Sigory láaca sioladxlo ndeʼ
MOD RABEXA LA BIBLIA TIPNÉS GALRRANABDIITZ
¿Chú láabu ngú Jehová?
¿Nosi nacbu Dios xtuny buñ israelitas la?
VIDEOS XTUNY LA BIBLIA: GALRRASUIDY NI DITI NAGAN
¿Noʼ laa Dios la?
Noʼ buñ raibyibu Dios: Bixiosa, Creador né Señor. Per video reʼ raslooyni que noʼ laa Dios né laabu sieedni ló la Biblia más de 7.000 buelt.
DE LÓODO
Gonab ni tzáguen looy
Bisuidy ximod rabexa la Biblia tipnés galrranabdiitz o bisuidy más de testigos xtuny Jehová.