Эйе. Тӧмӧн, миллиондор тоолу улуска билезин ырысту эдерге болушкан Агару Бичиктиҥ кезик јӧптӧри берилет.

1.   Алышкан болзогор бичидип алыгар. Јасак аайынча алыжып, бастыра јӱрӱмине алган молјулар — ырысту билениҥ тӧзӧлгӧзи (Матфей 19:4—6).

2.   Бой-бойоорды тооп, сӱӱп туругар. Бу дезе, слер бойыгарга канайып баштанзын деп турганыгар анайып ла эш-нӧкӧригерге баштанарын темдектейт (Матфей 7:12; Ефестегилерге 5:25, 33).

3.   Сӧстӧрӧӧр кату болбозын. Эш-нӧкӧрӧӧр слерге ачу сӧстӧр айдып, эмезе кату баштанып та турза, јалакай куучындажыгар (Ефестегилерге 4:31, 32). Укаа сӧстӧрдӧ 15:1-де: «Јымжак айдылган каруу чугулданышты токтодот, је јӱрекке ачу сӧс чугулдандырат» — деп айдылат.

4.   Бой-бойыгарга чындык болугар. Романтический ле сексуальный керексиниш јанынаҥ јӱк ле бойыгардыҥ эш-нӧкӧригерди ајарып кӱӱнзегер (Матфей 5:28). Агару Бичикте: «Айылду болгон улус бой-бойын тооп јӱрзин, олордыҥ тӧжӧгине кир јукпазын» — деп айдылган (Еврейлерге 13:4).

5.   Балдарды сӱӱштӱ таскадыгар. Ӧйинеҥ ӧткӱре јымжак эмезе кату болбогор (Укаа сӧстӧр 29:15; Колоссыдагыларга 3:21).