25 УРОК
Кудай улусты нениҥ учун јайаган?
Агару Бичикте кижиниҥ јӱрӱми: «Кыска ла уур-кӱчтерле толо» — деп бичилип калган (Иов 14:1). Бу чын ла андый! Је Кудай биске мындый јӱрӱм кӱӱнзеген бе? Јок эмей. Андый болзо, кандый јӱрӱм кӱӱнзеген? Оныҥ амадузы бӱдер бе? Бу сурактардыҥ карууларын Агару Бичик берет.
1. Иегова улуска кандый јӱрӱм кӱӱнзеген?
Иегова улуска эҥ јакшы јӱрӱм кӱӱнзеген. Ол баштапкы улусты, Адам ла Еваны, јайап, сӱреен јараш райда эмезе Эдем деп адалып турган садта јатыргызып салган. Оноҥ Кудай олорды алкап, айткан: «Ӧзигер, кӧптӧгӧр, јерди толтырып ээлегер» (Башталганы 1:28). Иегова улусты балдарлу болзын, бастыра јердиҥ ӱстин рай этсин ле тындуларды кичеезин деп кӱӱнзеген. Анайда ок улусты су-кадык болзын ла јажын-чакка јӱрзин деп јайаган.
Бӱгӱнги кӱнде јӱрӱм Кудайдыҥ баштапкы амадузына чек келишпей де турган болзо, је Кудай бойыныҥ амадузын солыбаган (Исайя 46:10, 11) a. Ол эмдигенче ле улусты јажын-чакка ырысту јӱрзин деп кӱӱнзейт. (Ачылта 21:3, 4 кычырыгар.)
2. Јӱрӱмниҥ учуры неде?
Кудай бисти ол керегинде билгирлер алып, ого бажырар кӱӱндӱ эдип јайаган. (Матфей 5:3—6 кычырыгар.) Анайда ок Кудай бисти оныҥ најызы болуп, оныҥ јолдорыла јӱрзин, оны сӱӱзин ле ого акту јӱректеҥ иштезин деп кӱӱнзейт (Јаҥды такыганы 10:12; Сарын 25:14). Јӱк ле мынай јӱрзеес, кандый да кӱчтер болуп турган болзо, јӱрӱмис калас ӧдӱп турган деп билдирбес. Кудайга бажырып, оныҥ амадузы аайынча јӱрзеес, јӱрӱмис ырысту ла сӱӱнчилӱ болор. Анайып бис јӱрӱмниҥ учурын таап аларыс.
ТЕРЕҤЖИДЕ КӦРӰГЕР
Јердиҥ јайалганынаҥ Иегованыҥ сӱӱжи кӧрӱнип турганын, анайда ок јӱрӱмниҥ учуры керегинде Агару Бичикте не айдылып турганын билип алыгар.
3. Иегова улуска сӱреен јакшы јӱрӱм белетеп салган
ВИДЕОНЫ кӧрӱп, суракты шӱӱжип ийигер:
-
Кудай сӱреен јараш јерди нениҥ учун јайаган?
Экклезиаст 3:11 кычырып, суракты шӱӱжип ийигер:
-
Бу ӱлгердеҥ Иегова керегинде нени билип алдыгар?
4. Иегованыҥ амадузы солынбаган
Сарын 37:11, 29 ла Исайя 55:11 кычырып, суракты шӱӱжип ийигер:
-
Иегова амадузын солыбаган деп, бис кайдаҥ билерис?
Ӱрелип калган тураны јазап алар арга бар. Анайып ла, бистиҥ ӱрелип калган Јер, ойто јаранып калар. Мыны Кудай ла оны сӱӱп турган улус эдер
5. Иеговага бажырары јӱрӱмисти чыннаҥ ла ырысту эдет
Јӱрӱмниҥ учурын билип алзаҥ, јӱрӱмиҥ бӱткӱлинче солынып калат. ВИДЕОНЫ кӧрӱп, суракты шӱӱжип ийигер.
-
Теруми јӱрӱмниҥ учурын билип аларда, оныҥ јӱрӱми канайып солынган?
Экклезиаст 12:13 кычырып, суракты шӱӱжип ийигер:
-
Иегованыҥ биске берген ончо сыйлары учун быйанысты канайып кӧргӱзерис?
КЕЗИК УЛУС СУРААР БОЛОР: «Јӱрӱмниҥ учуры неде?»
-
Слер нени айдар эдеер?
ТӦС ШӰӰЛТЕЗИ
Иегова бисти јерде јажын-чакка ырысту јӱрзин деп кӱӱнзейт. Кудайга акту јӱректеҥ бажырып турзаас, бис бӱгӱнги де кӱнде ырысту јӱрӱм јӱредис.
Нени билип алдыгар?
-
Иегова Адам ла Еваны кандый јӱрӱм јӱрзин деп кӱӱнзеген?
-
Кудай амадузын солыбаган деп, бис кайдаҥ билерис?
-
Слер јӱрӱмниҥ учурын недеҥ табараар?
ШИҤДЕЙТЕН МАТЕРИАЛ
Эдем сад чын ла болгон деп кӧргӱзип турган керелер кӧрӱгер.
«Эдем сад керегинде бичилгени чӧрчӧк пӧ?» («Каруулчы шибее», 2011 јыл, чаган ай 1)
Јер качан да јоголбос деп кӧргӱзип турган керелер кӧрӱгер.
«Јӱрӱмниҥ учуры неде?» деп суракка Агару Бичик кандый каруу берет?
Ӱзе немези јеткил кижи јетпей турганын канайып табып алганын билип алыгар.
a Кудайдыҥ амадузы нениҥ учун бӱтпегенин келер уроктоҥ билип аларыгар.
Анайда ок слерге јараар болор
ЈААНТАЙЫН БЕРИЛИП ТУРГАН СУРАКТАР
Иегованыҥ Керечилериниҥ Агару Бичикти ӱренетен курсы канайып ӧдӧт?
Иегованыҥ Керечилеринде Агару Бичик неге ӱредип турганын билип аларга болужатан тузалу курс бар. Ӱредӱниҥ ӧйинде слер бойоордыҥ Агару Бичигерле тузаланар аргалу, анайда ок ӱредӱлерге бойоордыҥ билегерди ле најылараарды айдып алар аргалу.
