TI HUERQUEN Num. 1 2023 | Cutrancülele tami raquiduam, Biblia quelluafeimu
Millonque che com mapu meu cutrancülei ñi raquiduam, fei huesa duamcülequei. Tüfa contuafeyu chem che rume, pu huechequeche, fütaqueche, chem tuhun-ngeafui rume ca tunten plata nieafui rume. Cutrancülele ñi raquiduam pu che, ¿chem rupaquei? Tüfachi revista pengelai chumngelu tüfachi pu che duamniei ñi inaduamaeteu quiñe doctor ca chumngechi ñi quelluafeteu Biblia.
Fentren che cutrancülei ñi raquiduam
Tunten tripantu niefule rume quiñe che cam chem tuhun-ngefule rume cutrancüleafui tañi raquiduam. Pefinge chumngechi Biblia tañi ngülam quelluafeimu.
Chau Dios duamtunieimu
Chau Dios cüme quimniei tami raquiduam ca tami chum duamcülen, ¿chumngelu maneluhuafuimi tüfa?
1 | Ti llellipun. Feipifinge tami chum duamcülen
Fill raquiduamcülelmi, ¿cümepeafui mai tami llellipuafiel ta Chau Dios? ¿Rüf quellupeafeimu mai?
2 | Chau Ngünechen ñi dungu yafültucuafeimu
Biblia feipicünui pichiñma mu apümngeai com taiñ hueñancülqueteu.
3 | Quelluafeimu ñi rupan che Biblia mu
Biblia nütramcaquei fentren che duamcülelu iñchiñ reque, papeltufiel tañi rupan quelluaiñmu taiñ quisulelu troquiunoal.
4 | Biblia hulquei cümeque ngülam
Papeltual quiñeque troquiñ Biblia mu ca feipicünual quiñeque dungu tami diturpuafel, quelluafeimu tami cümelcaleal tami raquiduam.
Chumngechi ñi quellungeal pu cutrancülelu ñi raquiduam
Tami quellun rume falin-ngei nielmi quiñe hueni cutrancülelu ñi raquiduam.
