Müqəddəs Kitabın cavabı
Elə bir vaxt olacaqmı ki, bütün dünyada haqq-ədalət olsun?
Bu barədə nə deyərdiniz?
Bəli
Xeyr
Ola bilsin
Müqəddəs Kitabda deyilir:
«Bilirəm ki, Yehova məzlumu müdafiə edəcək, yoxsula adil hökm çıxaracaq» (Zəbur 140:12). Allah-Taala dünyada haqq-ədaləti bərqərar edəcək.
Müqəddəs Kitabda daha nə deyilir?
Allah dünyada baş verən haqsızlıqları görür və mütləq buna bir əncam çəkəcək (Vaiz 5:8).
Allah haqq-ədaləti bərqərar edəndən sonra bütün dünyada sülh və əmin-amanlıq olacaq (Əşiya 32:16—18).
Doğrudanmı, Allah bir xalqı o birindən üstün tutur?
Bəzi insanlar inanır ki, Allah bir xalqa nemət bəxş edib, digərini isə lənətləyib. Bəzilərinin fikrincə isə Allahın gözündə bütün xalqlar bərabərdir. Siz bu barədə nə deyərdiniz?
Müqəddəs Kitabda nə deyilir?
«Allah ayrı-seçkilik etməyən Allahdır, hər xalqın içində Ondan qorxan və düzgün iş görən adamdan razıdır» (Həvarilərin işləri 10:34, 35). Allahın gözündə bütün xalqlar eynidir.
Müqəddəs Kitabda daha nə deyilir?
Müqəddəs Kitabda «hər xalqa, tayfaya, dilə və ümmətə car çəkmək üçün» müjdə var (Vəhy 14:6).
Həmçinin sizin üçün maraqlı ola bilər
MÜQƏDDƏS KİTABA AİD SUALLARA CAVAB
Allah Öz bəndələrinə əzab verirmi?
Heç kim, hətta Allahın rəğbətini qazanan insanlar belə əzab-əziyyətlərdən sığortalanmayıb. Nəyə görə?
MÜQƏDDƏS KİTAB HƏYATLARI DƏYİŞİR
Ədalətsizliyə qarşı mübarizə aparmaq istəyirdim
Rafika ədalətsizliyə qarşı mübarizə aparmaq üçün inqilabçı qrupa qoşulur. Amma o, Müqəddəs Kitabdan öyrənir ki, sülhü və ədaləti Allahın Padşahlığı bərqərar edəcək.
