SEKSIYON 4
An Huring Kabtang kan Ministeryo ni Jesus sa Judea
“Makimahirak kamo sa Kagurangnan kan pag-ani na magsugo nin mga trabahador.”—Lucas 10:2
SA SEKSIYON NA INI
KAPITULO 66
Sa Jerusalem sa Kapiyestahan nin Tabernakulo
Ano an dahilan ta naisip kan mga nagdadangog ki Jesus na sinasaniban siya nin demonyo?
KAPITULO 67
“Dai Pa nin Siisay Man na Tawong Nagtaram nin Arog Kaini”
Haros kontra ki Jesus an bilog na korte suprema kan mga Judio, pero sarong miyembro kaiyan an nagkusog nin buot na magtaram para sa saiya.
KAPITULO 68
“An Ilaw kan Kinaban”—An Aki nin Diyos
Sinabi ni Jesus na “an katotoohan mapatalingkas sa saindo.” Talingkas sa ano?
KAPITULO 69
An Saindang Ama—Si Abraham o an Diyablo?
Sinabi ni Jesus kun paano mamimidbid an mga aki ni Abraham, pati na kun siisay talaga an saiyang Ama.
KAPITULO 70
Pinaumayan ni Jesus an Sarong Lalaking Namundag na Buta
Naghapot an mga disipulo kun taano ta namundag na buta an sarong lalaki. Nagkasala daw ini? Nagkasala daw an mga magurang kaini? Iba-iba an reaksiyon kan mga tawo kan paumayan ni Jesus an lalaki.
KAPITULO 71
Kinumprontar kan mga Fariseo an Lalaki na Dating Buta
Naanggot an mga Fariseo sa mahusay na paliwanag kan lalaking dating buta. Arog kan ikinatakot kan mga magurang niya, itiniwalag siya kan mga Fariseo sa sinagoga.
KAPITULO 72
Nagsugo si Jesus nin 70 Disipulo Para Maghulit
Sa Judea, isinugo ni Jesus nin manduwa-duwa an 70 disipulo bilang mga parabalangibog kan Kahadian. Sain sinda mahanap nin mga tawo para hulitan—sa mga sinagoga o sa mga harong?
KAPITULO 73
Sarong Samaritano na Guminawi Bilang Totoong Kapwa
Paano ginamit ni Jesus an parabula manungod sa Samaritano na tataong makipagkapwa-tawo, o an “marahay na Samaritano,” tanganing magtukdo nin sarong mapuwersang leksiyon?
KAPITULO 74
Mga Leksiyon Manungod sa Pagkamapag-istimar Asin Pamibi
Binisita ni Jesus si Marta asin Maria sa saindang harong. Ano an itinukdo niya sa sainda manungod sa pagkamapag-istimar? Asin paano niya tinukduan an saiyang mga disipulo kun ano an ipapamibi?
KAPITULO 75
Ihinayag ni Jesus an Gikanan nin Kaugmahan
Sinimbag ni Jesus an mga nagkukuwestiyon sa saiya, na sinasabi sa sainda an manungod sa ‘kamot nin Diyos’ asin kun paano uminabot na an Kahadian nin Diyos na dai ninda namamangnuhan. Ihinayag man niya kun paano manunumpungan an tunay na kaugmahan.
KAPITULO 76
Nagkakan Kaiba nin Sarong Fariseo
Ibinuyagyag ni Jesus an pagsagin-sagin sa relihiyon kan mga eskriba asin mga Fariseo. Anong magabat na mga pasan an ipinipirit nindang pasanon kan mga tawo?
KAPITULO 77
Nagtao si Jesus nin Sadol Manungod sa Kayamanan
Nagtao si Jesus nin ilustrasyon manungod sa tawong mayaman na naggibo nin mas darakulang kamalig. Anong sadol an inutro niya manungod sa mga peligro nin paghanap nin kayamanan?
KAPITULO 78
Magdanay na Andam, Maimbod na Katiwala!
Ipinahiling ni Jesus na interesado siya sa espirituwalidad kan saiyang mga disipulo. Ano an magigin papel kan katiwala mapadapit sa saindang espirituwalidad? Taano ta mahalagang marhay an sadol na magdanay na andam?
KAPITULO 79
Kun Taano ta Maabot an Kalaglagan
Sinabi ni Jesus na kun dai magsusulsol an mga hinihinguwa niyang tabangan, nakatagama sinda sa kalaglagan. Manunudan daw ninda an mahalagang leksiyon na hinihinguwa ni Jesus na itukdo sa sainda manungod sa saindang relasyon sa Diyos?
KAPITULO 80
An Marahay na Pastor Asin an mga Turil
Malinaw na mahihiling sa pag-ataman nin pastor sa mga karnero an pagkamuot ni Jesus sa saiyang mga disipulo. Mamimidbid daw ninda an mga katukduan niya asin masunod sa saiyang paggiya?
KAPITULO 81
Kasaro kan Ama, Pero Bako Siya an Diyos
An nagkapira sa mga nagkokontra ki Jesus sinahutan siya na ginigibo niyang kapantay nin Diyos an saiyang sadiri. Paano niya may kahusayan na pinahimutikan an saindang salang mga sahot?
