Plante man oli ting se ol samting oli no save kam gud long 2024. Be yumi save gat hop se ol samting bambae oli kam gud. ?From wanem?

 Baebol i promes se God bambae i stretem ol problem we i stap mekem yumi safa. I no longtaem, God “bambae i ravemaot wota blong ae blong [yumi], mo bambae i no moa gat man i ded, mo bambae man i no moa sore, mo bambae i no moa gat man i krae, mo bambae man i no moa harem nogud long bodi blong hem.”—Revelesen 21:4.

•   Blong save moa long ol promes we Baebol i tokbaot, ridim atikol ya “Trufala Hop Blong Wan Gudfala Fiuja.”

 Baebol i tokbaot wan nambawan hop blong fiuja we i save leftemap tingting blong yu mo halpem yu blong stap glad. (Rom 15:13) Ol advaes blong Baebol oli save givhan long yu blong gotru long ol trabol we yu stap fesem naoia, olsem taem yu sot long sam samting, taem narafala i mekem i no stret long yu, mo taem yu sik.

•   Traem luk olsem wanem hop we Baebol i tokbaot i halpem wan man blong glad mo gat pis, nating se hem i gruap long wan famle we i pua. Wajem video ya Juan Pablo Zermeño: Jehova i Mekem Se Mi Glad Long Laef.

•   Faenemaot olsem wanem Baebol i save leftemap tingting blong yu taem yu harem se yu gilti, yu harem nogud, yu wari, mo taem wan famle i ded. Ridim atikol ya “?Baebol i Save Kamfotem Mi?”

•   Traem luk stori blong wan woman we fastaem, taem hem i joen long ami, hem i no gat hop mo i no kea long ol narafala, be biaen hem i kasem save long hop we Baebol i tokbaot. Wajem video ya I Put Down My Rifle.

 2024 i save kam wan gudfala yia blong yu mo famle blong yu, sipos yu stadi long Baebol mo lanem olsem wanem ol advaes blong hem oli save givhan long yu. Traem fri Baebol kos ya. Faenemaot olsem wanem God i save “givim pis” long yu naoia, mo “wan hop” long fiuja.—Jeremaea 29:11.