Ar fore Llun, Hydref 10, 2022, gwnaeth Rwsia ddial ar Wcráin ar ôl ffrwydrad enfawr a ddigwyddodd ddeuddydd ynghynt a difetha pont bwysig a oedd yn cysylltu Crimea â Rwsia. Digwyddodd hyn i gyd ar ôl i wleidyddion rybuddio ein bod ni’n wynebu Armagedon.

•   “Dydyn ni heb fod mor agos at Armagedon ers adeg [Arlywydd yr UDA John F.] Kennedy a’r argyfwng taflegrau Ciwba. . . . Dydw i ddim yn meddwl ei bod yn bosib defnyddio arfau niwclear heb achosi Armagedon.”—Arlywydd yr UDA Joe Biden, Hydref 6, 2022.

•   “Dw i’n cytuno ein bod ni’n wynebu Armagedon, mae’r blaned gyfan mewn peryg.”—Arlywydd Wcráin Volodymyr Zelensky, yn sôn am ganlyniadau defnyddio arfau niwclear, Newyddion BBC, Hydref 8, 2022.

 A fydd defnyddio arfau niwclear yn arwain at Armagedon? Beth mae’r Beibl yn ei ddweud?

 Na fyddan. Mae’r gair “Armagedon” ond yn ymddangos unwaith yn y Beibl, yn Datguddiad 16:16. Dydy’r gair hwnnw ddim yn cyfeirio at ryfel rhwng cenhedloedd, ond rhyfel rhwng Duw a ‘brenhinoedd y ddaear gyfan.’ (Datguddiad 16:14) Bydd Duw yn defnyddio rhyfel Armagedon i chwalu teyrnasoedd y byd.—Daniel 2:44.

 I ddysgu mwy am beth mae Armagedon yn ei olygu i’r ddaear, darllenwch yr erthygl Beth yw Rhyfel Armagedon?

 Na fyddan. Efallai bydd rheolwyr ar y ddaear yn defnyddio arfau niwclear yn y dyfodol, ond er hynny, fydd Duw ddim yn gadael i’r ddaear gael ei dinistrio. Mae’r Beibl yn dweud:

•   “Mae’r ddaear yn aros am byth.”—Pregethwr 1:4, Beibl Cymraeg Diwygiedig.

•   “Bydd y rhai sy’n byw yn iawn yn meddiannu’r tir, ac yn aros yno am byth.”—Salm 37:29.

 Gan ddweud hynny, mae proffwydoliaethau’r Beibl, yn ogystal â’r hyn sy’n digwydd heddiw, yn dangos ein bod ni ar fin cyrraedd trobwynt mawr yn hanes y byd. (Mathew 24:3-7; 2 Timotheus 3:1-5) Dysgwch beth mae’r Beibl yn ei ddweud am y dyfodol yn ein cwrs rhyngweithiol am y Beibl sy’n rhad ac am ddim.