HADZIDZI 87
Miva, Ne Miakpɔ Gbɔdzɔe
-
1. Xexe sia le blukɔ tsiɖitsiɖi me;
Womenya Ma’u ƒe mɔwo o.
Míehiã mía Mawu gã la ƒe mɔfiame;
Míate’ŋ fia mɔ mía ɖokui o.
Kpekpeawo naa gbɔdzɔe kple mɔkpɔkpɔ mí,
’Ye wotua míaƒe xɔse ɖo.
Woʋãa mí na dɔ nyui sia dɔ nyui wɔwɔ;
Wodoa ŋusẽ mí míedoa dzi.
Míagblẽ míaƒe kpekpeawo ɖi gbeɖe o;
Míayi be míaxɔ nufiame.
Kpekpe siawo ana míawɔ nu dzɔdzɔe,
Ali ke le nyateƒea me.
-
2. Yehowa nya míaƒe nuhiahiãwo nyuie;
Míehiã eƒ’aɖaŋuɖoɖo.
Ne míeƒlea ɣeyiɣi dea kpekpeawo la,
Afia be míeɖoa ŋu ɖe ’ŋu.
Míetoa nɔviwo ƒe nuxlɔ̃amewo dzi
Srɔ̃a ’le si míaɖe xɔse fia.
Haxɔsetɔwo ƒe kpekpeɖeŋu ta,
Míenya be míetsi’akogo o.
Ɛ̃, ɣeyiɣi nyuitɔwo le ŋgɔ gbɔna,
Ta míaƒo ƒu kple nɔviwo,
Be míasrɔ̃ ’le si míanɔ agbee fifia
Wòadze Yehowa Mawu ŋu.
(Kpɔ Ps. 37:18; 140:1; Lod. 18:1; Ef. 5:16; Yak. 3:17 hã.)