AYEGHLE 4
Za a ne Yésu Christ ?
1. Yésu a nga so vé ?
Za mefulu ma ve naa be yire Yésu bebéñ ?—MATTHIEU 11:29 ; MARC 10:13-16.
Aval daa fônan ki é bôr bevokh,Yésu a nga tare ning édzôô a too nsisim, keghe naa a zu biale a si va (Jean 8:23). É nye a ne évelgha ôsua Nzame, éde é nga ve naa a vole nye vele é biôm bise bivokh. É nye étam Jehôva a nga vele keghe naa môr nfe aa vole nye; akal te éde ba luè nye naa “akigh-moan” dèñ (Jean 1:14). É dzam a mbe nkalan medzô Nzame, éde fe ba luè nye naa “Adzô.”—A lang Mengana 8:22, 23, 30 ; Becolossien 1:15, 16.
2. Amu dzé Yésu a nga so a si va ?
Éyong Nzame a nga lôm ndôma dzèñ a si va, a nga fure éning dzèñ abum éndun ngoan bejuif ba luè naa Maria. Éde, ésaa Yésu éé mbe ki moan môr a binam (Luc 1:30-35). A nga so a si va 1) naa aa zu yeghle bebela a tsinan Nzame, 2) naa aa zu bia ve éfônan da lere aval ba bo nkôman Nzame, minzukh mi fiang bo 3) ye zu ve nfuban éning dzèñ, ane « ntang. »—A lang Matthieu 20:28.
3. Akal dzé bi ne ashèñ ye ntang ?
Ntang ô ne é tang ba yaghan naa be kôre é môr be va kagh awu (Akôre 21:29, 30). Awu y’ayôm déé mbe ki é fekh Nzame (nge ki ôsiman ôsua), aa mbe a bele akal boan bebôt. Bia yem de ye dzé ? Nzame a nga dzô ntôl môr, Adam naa, nge aa bo abian da yili naa nge aa bo (nsem), a ye wu. Éde, nge Adam a bo keghe ku a nsem été, ng’éé dze ki wu (Atargha 2:16, 17 ; 5:5). Aval Bible aa dzô de, Adam é nye a nga ve naa awu é “nyi” éning boan bebôr été. É nye a nga kôô é mvong bôr dzèñ ése nsem, ye asurgha ba luè naa awu. Bi ne ashèñ ya “ntang” naa be kôre bia nsang ba luè awu Adam a nga kôô bia.—A lang Beromain 5:12 ; 6:23.
Za a mbe yaghan ntang wa kôre bia awu ? Mbo minsem ézing éé se ki yaghan ntang akal minsem é bôr bevokh, amu éyong môr aa wu, aa yaghan foghe ve minsem myèñ étam.—A lang Bya 49:7-9.
4. Amu dzé Yésu a nga wu ?
Yésu éé mbé ki ane bia, aa mbe a bele é nyôl é ne keghe atoan nsem. Éde, éé mbe ki ashèñ naa aa wu akal minsem myèñ—amu éé dze ki bo nsem ézing. Ve a nga wu akal minsem é bôr bevokh. Éyong a nga lôm ndôma dzèñ naa é zu wu akal daa, Nzame a nga lere foghe naa aa bira nyeghe boan bebôt. Yésu ny’a fe a nga lere bia ényeghe, éyong a nga bo Ésaa mewokh, ye kee éning dzèñ akal minsem mia.—A lang Jean 3:16 ; Beromain 5:18, 19.
Deghe éngengeng Amu dzé Yésu a nga wu ?
5. Yésu a bo dzé abong di ?
Éyong a mbe a si va, Yésu a nga lere minkôkoan, a wôme mimbim, ye vole é bôr be nga yenyen minzukh. Aval te éde a nga lere ane a ye belan é bôr be ne mewokh melu ma zu (Matthieu 15:30, 31 ; Jean 5:28). Niane a nga wu, a ne Nzame a nga bera nye ve éning nsisim (1 Pierre 3:18). K’ô taa ane a nga yane a too Jehôvah nfakh meyôm, ye ke kuiñ awôla Jehôva a ye nye ke ngul ya djiè si ése ngura (Behébreu 10:12, 13). Abong di, a ntoo Ndjiè édzôô, éde beyeghe bèñ ba kanghle mbemba fuèñ te si ése ngura.—A lang Daniel 7:13, 14 ; Matthieu 24:14.
Yésu a nkunu belane é ngul Édjiè dzèñ, naa a man vaa minzukh mise y’é bôr ba so mie. É bôr bese ba bunu nye ye bo nye mewokh, ba ye ning e Paradis a si va.—A lang Bya 37:9-11.
