Vosa Vakaibalebale 16:1-33
16 E vakarautaka na tamata na nanuma ni lomana,*Ia e vu mai vei Jiova na vosa* me kaya.+
2 Na nona ivalavala kece na tamata e donu* beka vua,+Ia o Jiova e dikeva na noda inaki.*+
3 Mo tataunaka vei Jiova na ka kece o cakava*+Ena qai vakataudeitaki na nomu sasaga.
4 E cakava o Jiova na ka kece me rawa kina na nona inaki,Na tamata ca tale ga me baleta na siga ca.+
5 O ira yadua e dokadoka na lomana e sevaka o Jiova.+
Mo kila* ni na sega ni drovaka o koya na itotogi.
6 Ena dei ni loloma kei na yalodina, e bokoci kina na cala,+Na rerevaki Jiova ena vakanadakuya kina e dua na ka ca.+
7 Ni taleitaka o Jiova na ivalavala ni tamata,E vakavuna o koya mera veiyaloni kei na kena meca.+
8 E vinaka na ka lailai ni tu vata kei na ivalavala dodonu,+E ca na iyau levu ni sega na lewadodonu.+
9 Na loma ni tamata e vakananuma na nona sala,Ia o Jiova ga e dusimaka na nona ilakolako.+
10 Na vakatulewa ni Kalou me tiko ena tebenigusuna na tui,+Me kua kina ni vakatanitaka na lewadodonu.+
11 Na ivakarau dodonu kei na ivakarau ni bibi e nei Jiova,Na bibi kece ni taga e nona cakacaka.+
12 Na ivakarau ca era sevaka na tui,+Ni vakataudeitaki na itikotiko vakaturaga ena cakadodonu.+
13 Na vosa vakadodonu era taleitaka na tui,Era lomani koya e vosa dina.+
14 Na cudru ni tui e vaka na italai ni mate,+Ia na tamata vuku ena tarova.*+
15 Na serau ni matana na tui e veivakabulai,Na nona veivakadonui e vaka na o ni uca ni vulaitubutubu.+
16 Na rawati ni vuku e uasivia na koula!+
Na rawati ni yalomatua me digitaki, me kua na siliva.+
17 Na nodra gaunisala na yalododonu e gole tani mai na ca.
O koya e qarauna na nona sala e taqomaka na nona bula.+
18 E liu na dokadoka e tarava na rusa,E liu na yaloqaciqacia e tarava na bale.+
19 E vinaka meda yalomalua nida tiko vata kei ira na yalomalumalumu,+E ca nida wasea na nodra itokinivalu na viavialevu.
20 O koya e yalomatuataka na ka ena kunea na ka vinaka,E marau o koya e nuitaki Jiova.
21 O koya e lomavuku ena vakatokai me yalomatua,+O koya e vosa vakayalovinaka* e veirawai.+
22 E ivurevure ni bula na yalomatua vei ira na taukena,Ia era vakavulici ga na lialia ena nodra lialia.
23 Na loma ni tamata vuku e yalomatua kina na gusuna+Qai kuria na veirawai ni ka e tukuna.
24 Na vosa vakayalovinaka e qanioni,E kamikamica vei keda* qai vakabulabulataka na sui.+
25 E tiko na sala e rairai donu vua na tamata,Ia na kena itinitini na sala ga ni mate.+
26 Ni viakana na tamata cakacaka e cakacaka kina vakaukaua
Ni uqeti koya kina nona walokai.*+
27 Na tamata macawa e kelia tiko na ka ca,+Na ka e tukuna e vaka na caudre ni bukawaqa.+
28 Na tamata dauvakavuca* e vakavuveiba,+Kei na dauvakaucaca e tawasei ira na veitokani dredre.+
29 Na tamata voravora e temaka na wekanaE tuberi koya ena sala cala.
30 E bobomataidua me bukana na ka ca.
E qamugusu* ni vakayacora na nona inaki lo.
31 E isala totoka* na ulu sikoa+Ni kune ena sala ni yalododonu.+
32 E vinaka o koya e berabera ni cudru,+ e ca na tamata qaqa,Kei koya e lewa vinaka na yalona vei koya e vakadruka na koro.+
33 E viritaki na madigi,*+Ia na kena lewa kece e vu mai vei Jiova.+
iVakamacala e ra
^ Se “na vosa donu.” Ipe., “na vosa ni yamena.”
^ Ipe., “E nona na tamata na ituvatuva ni lomana.”
^ Ipe., “savasava.”
^ Ipe., “lomada.”
^ Ipe., “Vaqiqica vei Jiova na nomu cakacaka.”
^ Ipe., “Liga ina liga.”
^ Se “vakamalumutaka.”
^ Se “vosa veiuqeti.” Ipe., “kamica na tebenigusuna.”
^ Se “ni tovolei.” Ipe., “neʹphesh.” Raica na iVakamacala ni Vosa.
^ Ipe., “gusuna.”
^ Se “nakica.”
^ Ipe., “katia na tebenigusuna.”
^ Se “lagilagi.”
^ Ipe., “e sagana,” oya na isulu e ubia na yava ni dua e dabe.
