Vosa Vakaibalebale 9:1-18
9 O vuku dina e tara na nona vale,E ceuta* na kena duru vituvitu.
2 E vakarautaka vinaka na kena lewe ni manumanu,*E ulia na mena waini,E vakarautaka tale ga na nona teveli.
3 E talai ira na nona yalewa dauveiqaravi,Mera kacivaka ena veivanua cecere ena koro:+
4 “O koya e yalowai me lako mai ke.”
E tukuna vua e sega ni yalomatua:
5 “Lako mai, mo kania na kequ madraiMo gunuva na waini au ulia.
6 Mo biuti ira na yalowai mo bula kina,+Mo muria yani na sala ni yalomatua.”+
7 O koya e vakadodonutaka na dauveivakalialiai ena kana madua,+O koya e vunauca na tamata ca ena leqa kina.
8 Mo kua ni vunauca na dauveivakalialiai, ni na cati iko.+
Mo vunauca ga na tamata vuku, ni na lomani iko.+
9 Mo tubera na tamata vuku, ni na vuku vakalevu.+
Mo vakavulica na yalododonu, ni na levu kina na ka e kila.
10 Na rerevaki Jiova e itekitekivu ni vuku,+Kei na noda kilai koya e Yalosavasava sara+ e veivakayalomatuataki.
11 Ena vukuqu ena levu kina na nomu siga,+Ena balavu na yabaki ni nomu bula.
12 Ke o vuku, ena yaga vei iko na nomu vuku,Ia ke o dauveivakalialiai, o na cola duadua na kena isau.
13 Na yalewa lialia e kosakosa.+
E yalowai, e sega ni kila e dua na ka.
14 E dabe toka ena katuba ni nona valeEna dua na idabedabe ena veivanua cecere ena koro,+
15 E kacivi ira na tavali e gaunisala,O ira na muria vakadodonu na nodra sala:
16 “O koya e yalowai me lako mai ke.”
E tukuna vei ira na sega ni yalomatua:+
17 “Na wai butakoci e kamikamica,Kei na kakana e laukana lo e maleka.”+
18 Ia e lecava o koya nira tiko e kea na sa mate,O ira na nona vulagi era tiko ena vanua lolovira ni iBulubulu.*+
iVakamacala e ra
^ Se “taya.”
^ Ipe., “E vakamatea o koya na nona manumanu.”
^ Se “Seoli,” oya na ibulubulu ni kawatamata. Raica na iVakamacala ni Vosa.
