KAPITE 55

Tokoi Ki Lou Kokelekasio

PLAY

I le mālamanei kātoa, e lauʼi miliona le Kau Fakamāʼoki a Seova ti ko kokelekasio e lau ko le tino afe. E lotofakafetaʼi le Kau Fakamāʼoki a Seova ki tokoi mo akonaki e lotou maʼua mei olātou kokelekasio. Ti e lotou fiafia i le lagolago ki ai i anoʼaga kesekese. E ke logoʼi ko ia le fiafia lenā i lou kokelekasio?

1. E fefeʼaki lau fakaʼaogaʼi lou temi mo lou makeke ki lou kokelekasio?

E mafai ke tou tokoi fuli ki le kokelekasio. Kāpau e iai ni fetaina mo tuagaʼane kua gagaʼe pe maʼimoa, e lagi mafai lau tokoi kia lātou ke lotou kau ki fono. Pe ke tokoi kia lātou ki le fai o alātou fakatau pe ko le fakameʼā o lolātou kāiga. (Lau Sakopo 1:27.) E mafai ke tou toe kau ki le fakameʼā ti mo le taupau ke mālie otātou Fale Fono. E leʼaise fakamaʼua mai e se tasi ke tou tokoi ake. Kae ko lotātou alofa ki le Atua ti mo otātou fetaina leia e ekenakiʼia tātou ke tou ‘gaʼoi mo le lotomālie kia lātou.’—Pesalemo 110:3.

E iai a ʼiki faigamālie e mafai ke maʼua e lātou alā kua papitema. Kāpau e mulimuli a fetaina ki fakamaʼua alā i le Tosi-Tapu, ti e mafai lalātou tokoi ki le kokelekasio. E mafai ke lotou liliu ko ni tagata gaʼoi fakaminisitelio, ti ki muli ake ko se kau tagata āfea. E mafai ki fetaina mo tuagaʼane ke lotou lagolago ki le gaʼoi faifakamafola, o lotou liliu ko ni pionie. Ti e lagolago a ʼiki Kau Fakamāʼoki ki le laga o fale fono pe ano o maʼuli i se tasi fenua o tokoi ki se kokelekasio.

2. E fefeʼaki lau fakaʼaogaʼi ou koloa ke tokoi ki le kokelekasio?

E mafai ke tou ‘fakamaʼuigaʼi a Seova ki atātou neʼa mālilie.’ (Taagapati 3:9) Ko se neʼa fakafiafia latātou soli se falā ti mo se tasi ake a neʼa ke tokoi ai ki le kokelekasio mo le gaʼoi faifakamafola leia i le mālamanei kātoa. (Lau 2 Kolinito 9:7.) E toe fakaʼaogaʼi otātou neʼa alofa mokā soko ni tuʼutāmaki fakanatula. Tokaʼapi le Kau Fakamāʼoki e lotou tuku keseʼi tuʼumaʼu se fa falā ko solātou neʼa alofa. (Lau 1 Kolinito 16:2.) E lotou ano ki lotātou tuʼasila i le neti ko donate.dan124.com pe ko fa pusa neʼa alofa alā i le fale fono. Kāpau e tou fai le koga lenā, e tou fakasā ai lotātou alofa kia Seova.

MANATU LOLOTO

Ta tioʼi a anoʼaga ke tou tokoi ai ki le kokelekasio.

3. Tou fakaʼaogaʼi otātou koloa

E alofa a Seova mo Sesu kiate ia leia e soli i le fiafia. I le tasi a aso, na tokagaʼi e Sesu se fafine mativa na soli e ia lona neʼa alofa. Lau Luka 21:1-4, ti fai a vesili anei:

E tonu ko ia ke lasi le neʼa leia e tou soli ke fakafiafiaʼi ai a Seova?
Koleā leia e logoʼi e Seova mo Sesu mokā e tou soli mo lotātou loto kātoa?

Kāpau e tou fia iloa le faʼasiga fakaʼaogaʼi o otātou neʼa alofa, tioʼi le GĀ ʼATA. Ti fai le vesili e soa atu ki ai.

GĀ ʼATA: ‘Se Neʼa Alofa Kia Seova’ (4:47)

E tokoi fefeʼaki otātou neʼa alofa ki kokelekasio o le mālamanei kātoa?

4. E mafai latātou tokoi

I le temi muʼa na leʼaise soli fua e kaunaga a Seova se falā ki le toe faʼu o fale alā e lotou fai ai lalātou tausi. Kae e lotou gaʼoi pakia ki lona taupau mo lona toe faʼu. Lau 2 Koloniko 34:9-11, ti fai le vesili leinei:

Na lagolago fefeʼaki a le kau Iselaele ki le toe laga o le fale lotu?

Kāpau e ke fia tio pe fefeʼaki le tokaga fakamālielie a le Kau Fakamāʼoki a Seova ki olātou fale fono, tioʼi le GĀ ʼATA. Ti fai a vesili e soa atu ki ai.

GĀ ʼATA: Taupau Ke Meʼā Mo Mālie Otātou Fale Fono (3:31)

Koleā e maʼuiga ai ke meʼā mo mālie otātou Fale Fono?
E fefeʼaki lau tokoi ki le koga lenā?

5. Tokoi ki lou kokelekasio

E fakalotomakekeʼi i le Tosi-Tapu a fetaina ke lotou tokaga ki le kokelekasio. Tioʼi le GĀ ʼATA, ti fai le vesili e soa atu ki ai.

GĀ ʼATA: Fetaina, Kotou Faiga Ki Ni Gaʼoi e Mālilie (5:19)

Na faiga fefeʼaki a Ryan ke lasi ake lana gaʼoi i le kokelekasio?

E fakasā i le Tosi-Tapu a anoʼaga e tonu ke fai e se taina ke liliu ko se tagata gaʼoi fakaminisitelio ti mo tagata āfea. Lau 1 Timoteo 3:1-13, ti fai a vesili anei:

Koā a fakamaʼua e fai ki se taina e fia liliu ko se tagata gaʼoi fakaminisitelio pe tagata āfea?
Koleā leia e fakamaʼua ki lona gā fāmili?—Tioʼi le vaega 4 mo le 11.
Koā fua mālilie ki le kokelekasio mokā faiga a fetaina ke lotou maʼuliʼi a kalitate anā?

E LAGI PATI ATU LOA A ʼIKI: “E ʼau mei fea lakoutou falā?”

Koleā loa lau tali?

MANATU TĀFITO

E fiafia a Seova i lana tio mai e tou soli lotātou temi, mo lotātou makeke ti mo otātou koloa ke lagolago ai ki le kokelekasio.

Fakamanatu

E fefeʼaki latātou fakaʼaogaʼi lotātou temi mo lotātou makeke ke tokoi ai ki le kokelekasio?
E fefeʼaki latātou fakaʼaogaʼi otātou koloa ke tokoi ai ki le kokelekasio?
E ke fia tokoi fefeʼaki ki le kokelekasio?

Aso na ʼoki ai le kapite leinei:

Laku fakatuʼutuʼu

Ke kau tokoi ki le fakameʼā mo le taupau fakamālielie o le fale fono.

Tasi fakatuʼutuʼu:

Your other goal