AAPIRIA WAYUU Nuum. 1, 2018 | ¿Choʼujaasüche sümüin wayuu maaʼulu tü Wiwüliakat?
¿CHOʼUJAASÜCHE SÜMÜIN WAYUU TÜ WIWÜLIAKAT MAAʼULU?
Wainma kasa sütüjaaka aaʼu wayuu maaʼulu otta wainma tecnología. ¿Ayatayütche choʼujaain tü Wiwüliakat sümüin wayuu maaʼulu sümaa kakaliairüin süshajünüin? Anuu sünüiki tü Wiwüliakat:
«Süpüshuaʼa tü ashajuushikat, nümaʼanajeejatü shia Maleiwa otta jalouisü shia süpüla ekirajaa» (2 Timoteo 3:16, TNM).
Aküjünüsü suluʼu rewiisütakat tüü, eere süpüla sükaaliinjain waya tü Wiwüliakat sünain süpüshuaʼa tü kasa waaʼinrakat.
¿Choʼujaasüche waaʼinrüinjatüin maaʼulu tü sümakat tü Wiwüliakat?
Mapüleeitpa maaʼulu achajawaa pütchi süchiki wanee kasa watüjaweeka aaʼu. ¿Kasapülajatka maʼin waashajeʼerajatka wanee karaloʼuta alüʼütka süpüla 2.000 juya süchikijee süshajünüin?
Jalouijeerü waneepia tü sümakat tü Wiwüliakat
Choʼujaasü wamüin tü sümakat tü Wiwüliakat jee anasü maʼin süpüla waaʼinrüin waneepia tü sümakat.
¿Nnojoluitpache choʼujaain wamüin tü sümakat tü Wiwüliakat?
Tü Wiwüliakat nnojotsü süchikimaajatüin ciencia, aashajaapejeʼe süchiki waneirua kasa nnojotpuʼuka natüjaain aaʼu na cientiificokana. Poneerü maʼin paaʼin pütüjaapa saaʼu.
1 Suulia mojuin pukuwaʼipa
Tü sümakat tü Wiwüliakat sükaaliinjain wayuu suulia mojuin sukuwaʼipa.
2 Süpüla punoutuin tü alatakat pümüin
Kekiishii waya sutuma tü Wiwüliakat süpüla watüjaain saaʼu tü waaʼinrajatkat sülatüle wanee kasa wamüin, shapaale jee mojule waaʼin.
3 Süpüla eejiraain pia sümaa tü alatakat pümüin
¿Kasa waaʼinrajatka sülatüle wamüin wanee kasa nnojotka süpüla wanoutuin maʼaka saaʼin outule wanee wapüshi jee wanainre wanee ayuulii mepisat?
Tü Wiwüliakat jee tü pukuwaʼipeetkat mapeena
Sükaaliinjain waya tü Wiwüliakat sülatüle wanee kasa wamüin. Jee müsia, süküjain tü alatajatkat mapeena.
¿Jamüsü saaʼin pümüin tüü?
Paashajeʼera tü namakat waneinnua wayuu otta tü sümakat tü Wiwüliakat süchiki tia.
