“Oĩ umi día añanduha ndavaleiha mbaʼeverã, péro péicha jave Jehová chemokyreʼỹ ha upearã ojevale umi músika oĩvare JW Broadcástingpe”. (Lorraine, Estados Unidosgua).

Ymaite guive kristianokuéra opurahéi omombaʼeguasu hag̃ua Ñandejárape (Col. 3:16). Ñañehaʼãrõ jaikuaa de memória umi músika ñanepytyvõta ndajarekói jave peteĩ kántiko, selulár, távlet ha umícha. Jahechamína mbaʼépa ikatu jajapo ñaaprende hag̃ua de memória umi purahéi.

• Jalee porã umi purahéi ñantende hag̃ua la heʼiséva. Ñantende porãrõ peteĩ informasión, ifasilve jepi ñandéve ñanemanduʼa hag̃ua hese. Upévare ikatu jaheka ñande sítio jw.org-pe umi purahéi létra ha avei umi purahéi oĩva mitãme g̃uarã. Upearã jaha heʼihápe “Vivliotéka” ha upéi heʼihápe “Músika”.

• Jaskrivi umi músika heʼíva. Jajapóramo upéva ñanemanduʼa porãvétantema la heʼívare umi purahéi (Deut. 17:18).

• Ñañensaja umi músika. Jalee térã japurahéi jey jey umi músika.

• Jahechami ñanemanduʼápa. Ñatantea japurahéi de memória umi músika ha upéi jarrevisa la ilétra jaikuaa hag̃ua ndajajavýipa raʼe.