ayyoob 3:1-26
3 iske baad ayyoob ne bolna shuroo kiya. woh us din ko kosne laga jis din uska janm hua tha.+
2 ayyoob ne kaha,
3 “kaash! woh din mit jaata jis din main paida hua,+woh raat kabhi na aati jab kaha gaya, ‘dekho, ladka hua hai!’
4 kaash! woh din kaali raat mein badal jaata,
parmeshvar aasman se us par dhyan na deta,us din ujala hi na hota.
5 kaash! ghup andhera* use nigal jaata,
ghanghor ghata us par chhaa jaati,
aasman ka bhayanak manzar dekh woh din saham jaata.
6 kaash! woh raat gumnami ke andhere mein kahin kho jaati.+saal ke kisi bhi din use yaad na kiya jaata,na hi maheenon mein use gina jaata.
7 kaash! woh raat baanjh ho jaati,khushiyon ki aavaz sunayi na deti.
8 hey dinon ko kosnevalo! livyatan*+ ko jaganevalo!us din ko koso jab main paida hua.
9 kaash! bhor ke timtimate taare bujh jaate,sooraj ki kirnon ko woh dekh na paata,ujale ki aas mein baithe-baithe woh thak jaata.
10 kyon us din ne meri maa ki kokh band nahin kar di?+kyon mujhe ye dukh-bhare din dikhaye?
11 haay! main paida hote hi mar kyon nahin gaya?
maa ke pet se nikaalte hi mera dam kyon nahin nikaal gaya?+
12 kyon mujhe god mein khilaya gaya?kyon mujhe doodh pilaya gaya?
13 nahin to aaj main bekhbar pada rehta,+gehri nind mein chain se soya rehta,+
14 un raajaon, un salahkaron ke saath,jinki banayi imartein aaj khandhar ho chuki hain.*
15 un raajkumaron* ke saath jinke paas sona thaaur jinke ghar chaandi se bhare the.
16 kaash, main garbh mein badhne se pehale hi mit jaata,us bachche-saa hota, jisne kabhi ujala na dekha ho.
17 kabraa mein dusht ki bhi takaleefein khatm ho jaati hain,thaka-maanda insan bhi raahat paata hai.+
18 kaidiyon ko kabraa mein chain milta hai,kaam lenevalon ki ghudkiyaan unhein sunayi nahin detin.
19 vahaan chhote-bade sab barbar hain,+gulam bhi apne maalik se aazad hai.
20 parmeshvar kyon dukhiyaron ko raushni deta hai?*kyon dukh se behal logon+ ko zinda rehne deta hai?
21 jo maut ke liye taraste hain, unhein maut kyon nahin aati?+
unhein chhipe khazane se bhi zyada iski talash rehti hai.
22 use paakaar woh khush ho jaate hain,kabraa dekhkar unki khushi ka thikana nahin rehta.
23 parmeshvar kyon us insan ko raushni dikhata hai,jo raah bhatak gaya hai aur jiska raasta khud parmeshvar ne roka hai?+
24 main har nivala aahein bharte huye leta hoon,+behte jharne ki tarah karahta rehta hoon.+
25 jiska mujhe dar tha, vahi mere saath hua,jis baat se main ghabrata tha, vahi mere saath ghat gayi.
26 mera sukh-chain chhin gaya, mujhe koi aaram nahin,aur museebatein hain ki mera peechha hi nahin chhodtin.”
kai footnote
^ ya “andhkar aur maut ka saaya.”
^ maana jaata hai ki yah magarmachh ya koi bada aur taakatvar samudri jeev tha.
^ ya shaayad, “jinhonne apne liye sunsan jagah banayin.”
^ ya “unche ohde ke darbaariyon.”
^ ya “ko jeene deta hai?”
