Iti seksion a Video on Demand, mabalinmo a kontrolen ti pannakai-play dagiti video iti JW Broadcasting (i-pause, i-rewind, i-fast forward, ken i-skip). Agbuyaka iti maysa a video wenno amin a video iti maysa a koleksion.

(Palagip: Mabalin a naiduma ti remote-mo iti naipakita iti daytoy a tutorial.)

Luktam ti Video on Demand iti home screen tapno makitam dagiti kategoria ti video. Surotem dagiti instruksion iti baba tapno makabirok ken makabuyaka kadagiti video:

•  Agbirok iti Video

•  Kontrolen ti Pannakai-play ti Video

•  Agbuya iti Kabaruan Wenno Naitampok a Video

Usarem ti Amazon Fire TV remote-mo a mangkita kadagiti kategoria ti video. Talmegam ti Select button tapno maluktam ti napilim a kategoria.

Nagduduma a kategoria ti ayan ti dadduma a video. Kas pagarigan, ti video a The Prodigal Returns ket mabalin a makita iti Movies, Family, ken Teenagers.

Tunggal linia irepresentarna ti maysa a koleksion dagiti video. Agparang ti nagan ti koleksion iti ngato ti linia dagiti video.

Usarem ti remote-mo tapno makapilika iti koleksion:

• Up ken Down: Mapan iti sabali a koleksion.

• Left ken Right: Agpili kadagiti video iti maysa a koleksion.

• Adda opsion a Play All ti tunggal koleksion. Piliem dayta tapno ag-play ti amin a video iti koleksion, a mangrugi iti umuna a video iti koleksion. No nai-play aminen a video iti koleksion, agsardengen ti pannakai-play dagiti video.

Mangpilika iti video tapno agparang ti Video Details screen.

Piliem kadagitoy ti kayatmo nga aramiden:

• Play: I-play ti video manipud iti rugi.

• Play All: I-play ti amin a video iti koleksion, a mangrugi iti linuktam a video. No nai-play aminen a video iti koleksion, agsardengen ti pannakai-play dagiti video.

• Resume: Ag-play manen ti video manipud iti nagpatinggaam.

Iti baba ti Video Details screen, makitam ti dadduma pay a video iti koleksion. Talmegam ti Down tapno makapanka iti grupo dagiti video. Talmegam ti Up tapno makasublika iti Video Details screen.

No agple-play ti maysa a video iti seksion a Video on Demand, mabalinmo nga aramiden iti Amazon Fire TV remote-mo dagiti sumaganad tapno makontrolmo ti pannakai-play-na:

• Play/Pause: I-pause ti video. Talmegam manen ti button tapno ag-play ti video.

• Fast Forward wenno Right: I-fast forward ti video. No makadanonkan iti paset ti video a kayatmo a buyaen, talmegam ti Play button.

• Rewind wenno Left: I-rewind ti video. No makadanonkan iti paset ti video a kayatmo a buyaen, talmegam ti Play button.

• Back: Agsubli iti Video Details screen.

Iti home screen ti JW Broadcasting, adda dua nga espesial a koleksion ti Video on Demand:

1. Featured: Naglaon daytoy kadagiti naitampok a video, kas kadagiti video a nainaig iti linawas a gimong wenno iti panagdaydayaw ti pamilia.

2. Latest: Naglaon daytoy kadagiti kabaruan a nainayon a video.