Iti seksion a Video on Demand, mabalinmo a kontrolen ti pannakai-play dagiti video iti JW Broadcasting (i-pause, i-fast forward, ken i-skip). Agbuyaka iti maysa a video wenno amin a video iti maysa a koleksion.

(Palagip: Mabalin a naiduma ti itsura ti remote-mo iti nausar a Siri remote iti daytoy a tutorial.)

Luktam ti Video on Demand iti home screen tapno makitam dagiti kategoria ti video. Surotem dagiti instruksion iti baba tapno makabirok ken makabuyaka kadagiti video:

•  Agbirok iti Video

•  Kontrolen ti Pannakai-play ti Video

•  Agbuya iti Kabaruan Wenno Naitampok a Video

• Iti Siri Remote-mo, i-swipe-mo ti Touch surface tapno makitam dagiti kategoria. Ti ladawan ti naka-highlight a kategoria ket medio dakdakkel ngem iti dadduma a kategoria.

• Talmegam ti Touch surface tapno maluktam ti kategoria a kayatmo.

Nagduduma a kategoria ti ayan ti dadduma a video. Kas pagarigan, ti video a The Prodigal Returns ket mabalin a makita iti Movies, Family, ken Teenagers.

Tunggal linia irepresentarna ti maysa a koleksion dagiti video. Agparang ti nagan ti koleksion iti ngato ti linia dagiti video.

Palagip: Masapul nga i-scroll-mo nga agpakannigid ti dadduma a koleksion dagiti video tapno makitam amin a video iti dayta a koleksion.

• I-swipe-mo nga Agpangato wenno Agpababa tapno makapanka iti sabali a koleksion.

• I-swipe-mo nga Agpakannigid wenno Agpakannawan tapno makitam dagiti video iti maysa a koleksion.

• Adda opsion a Play All ti tunggal koleksion. Piliem dayta tapno ag-play amin a video iti koleksion, a mangrugi iti umuna a video. No nai-play aminen a video iti koleksion, agsardengen ti pannakai-play dagiti video.

• Talmegam ti Touch surface tapno makapilika iti video ken agparang ti Video Details screen.

Piliem kadagitoy ti kayatmo nga aramiden:

• Play: I-play ti video manipud iti rugi.

• Play All: I-play ti amin a video iti koleksion, a mangrugi iti linuktam a video. No nai-play aminen a video iti koleksion, agsardengen ti pannakai-play dagiti video.

• Resume: Ag-play manen ti video manipud iti nagpatinggaam.

Iti baba ti Video Details screen, makitam ti dadduma pay a video iti koleksion. I-swipe-mo nga Agpababa tapno makapanka iti grupo dagiti video. I-swipe-mo nga Agpangato tapno makasublika iti Video Details screen.

No agple-play ti maysa a video iti seksion a Video on Demand, mabalinmo nga aramiden iti Siri remote-mo dagiti sumaganad tapno makontrolmo ti pannakai-play-na:

• Play/Pause: I-pause ti video. Talmegam manen ti button tapno ag-play ti video. Mabalinmo met a talmegan ti asideg iti tengnga ti Touch surface tapno ag-play wenno ag-pause ti video.

• Rewind: I-swipe-mo nga Agpakannigid bayat a naka-pause ti video tapno ag-rewind ti video. Talmegam ti Play/Pause tapno ag-play manen ti video.

• Fast Forward: I-swipe-mo nga Agpakannawan bayat a naka-pause ti video tapno ag-fast forward ti video. Talmegam ti Play/Pause tapno ag-play manen ti video.

• Skip Forward: Tapno ag-forward ti video iti 10 a segundo, iparabawmo ti ramaymo iti kannawan ti Touch surface.

• No makitam ti Skip icon iti progress bar ti video iti baba ti iskrin, talmegam ti Touch surface.

• Skip Backward: Tapno ag-rewind ti video iti 10 a segundo, iparabawmo ti ramaymo iti kannigid ti Touch surface.

• No makitam ti Skip icon iti progress bar ti video iti baba ti iskrin, talmegam ti Touch surface.

• Menu: Agsubli iti Video Details screen.

Iti home screen ti JW Broadcasting, adda dua nga espesial a koleksion ti Video on Demand:

1. Featured: Naglaon daytoy kadagiti naitampok a video, kas kadagiti video a nainaig iti linawas a gimong wenno iti panagdaydayaw ti pamilia.

2. Latest: Naglaon daytoy kadagiti kabaruan a nainayon a video.