Til að útrýma hungri þarf meira til en að framleiða næg matvæli. Talið er að bændur framleiði nógu mikinn mat til að brauðfæða 12 milljarða manna, en það er 5 milljörðum fleiri en íbúar jarðar eru að svo stöddu. Vandamálið liggur aðallega í gölluðu efnahagskerfi, ójafnri dreifingu matvæla og sóun.

Könnun var gerð meðal fólks í viðskiptaheiminum. Næstum því fjórðungur (24 prósent) aðspurðra taldi að „til að geta náð árangri í starfi gæti verið nauðsynlegt að gera eitthvað siðferðilega rangt eða ólöglegt“. Sextán prósent sögðust myndu fremja glæp „ef hægt væri að komast upp með það“.

Þrír af hverjum fimm kennurum í Argentínu biðja um frí frá vinnu vegna álags eða ofbeldis á vinnustaðnum.

Í Suður-Kóreu er algengt að fólk búi eitt. Það verður bráðum algengasta fjölskyldugerðin þar í landi.

Talið er að tveir þriðju af borgum Kína eigi ekki eftir að uppfylla kröfur um loftgæði sem ríkisstjórnin hefur ákveðið að taka skulu gildi árið 2016. Auk þess er grunnvatnið á flestum stöðum ekki betra en svo að það fær gæðastimpilinn „slæmt eða afar slæmt“.