TIMEƔRI TIS 50
Amek ara tili twacult di lfeṛḥ? (aḥric 2)
Dderya ţ-ţikci sɣur Yahwa. Yahwa yeṭṭalab i imawlan a d-lhin yid-sen. Akken ad ssiwḍen ɣer wayagi, yefka-yasen-d lewṣayat. Yerna, yesskanay i dderya d acu i zemren a t-xedmen bac aţ-ţili twacult-nsen di lfeṛḥ.
1. D acu i geṭṭalab Yahwa i imawlan?
Yahwa yeţweṣṣi imawlan ad ḥemmlen dderya-nsen w’ad sɛeddayen aṭas n lweqt yid-sen. Yebɣa daɣen ad ţḥaraben ɣef dderya-nsen w’ad ssexdamen imenzayen n Wedlis Iqedsen bac a ten-ṛebbin (Lemtul 1:8). Yenna i ibabaten: “Ssekret-ţen-id s ţṛebga akw-d leqraya n [Yahwa]” (ɣer-ed Ifasusiyen 6:4). M’ara yeţwali Yahwa imawlan ttabaɛen lewṣaya-yagi yerna ur ţwekkilen ara albeɛḍ nniḍen a d-iṛebbi dderya-nsen, d ayen i t-yessefṛaḥen.
2. D acu i geṭṭalab Yahwa i dderya?
Yahwa yeṭṭalab-asen i dderya: “Ţţaɣet awal i imawlan-nwen” (ɣer-ed Ikulusiyen 3:20). Dderya i geţqadaren imawlan-nsen yerna ţţaɣen-asen awal ssefṛaḥen Yahwa, ssefṛaḥen daɣen imawlan-nsen (Lemtul 23:22-25). Ɛisa yeǧǧa-d lemtel n lɛali asmi i gella d amecṭuḥ. Xas akken yekmel, yeţqadar imawlan-is yerna yeţţaɣ-asen awal (Luqa 2:51, 52).
3. Amek i tezmer twacult-ik aţ-ţqerreb akteṛ ɣer Ṛebbi?
Ma d ababat i telliḍ, neɣ ţ-ţayemmaţ, bla ccekk aţ-ţebɣuḍ i dderya-k ad ḥemmlen Yahwa akken i t-tḥemmleḍ. Amek i tzemreḍ a ten-tɛiwneḍ? Atan d acu i d-yeqqar Wedlis Iqedsen: “[Lehduṛ n Yahwa] sselmed-iten i warraw-ik, heddeṛ fell-asen m’ara tiliḍ deg wexxam-ik, m’ara tleḥḥuḍ deg webrid, m’ara teṭṭṣeḍ akw-d m’ara tekkreḍ” (Asmekti 6:7). Bla ccekk teẓriḍ belli akken ad yecfu mmi-k neɣ yelli-k ɣef kra n lḥaǧa, ilaq a s-d-teţɛawadeḍ daymen. Ihi afir-agi yeţweṣṣi-k a d-teţnadiḍ daymen lweqt ideg ara theddṛeḍ ɣef Yahwa i warraw-ik. Yelha a d-tɛezzleḍ lweqt yal smana bac aţ-ţeɣreḍ Adlis Iqedsen ţ-ţwacult-ik, neɣ weḥd-ek m’ur tesɛiḍ ara dderya.
A NNADI A NEFHEM AKTEṚ
A nwali d acu i gezmer ad yexdem yal aɛeggal iwakken aţ-ţili twacult di lfeṛḥ d laman.
4. Ţṛebbi dderya-k s leḥmala
Mačči d ayen isehlen a d-tṛebbiḍ dderya. Amek i gezmer a k-iɛiwen Wedlis Iqedsen? Ɣret-ed Yeɛqub 1:19, 20, mbeɛd hedṛet ɣef yesteqsiyen-agi:
-
M’ara ţmeslayen imawlan akk-d dderya-nsen, amek i zemren a d-beggnen belli ḥemmlen-ten?
-
Ayɣer ur ilaq ara maḍi aţ-ţnadiḍ aţ-ţṛebbiḍ a dderya-k m’ara tiliḍ tzeɛfeḍ?
5. Ḥareb ɣef warraw-ik
Bac aţ-ţḥarbeḍ ɣef warraw-ik, ilaq aţ-ţheddṛeḍ d mkul yiwen deg-sen ɣef lɛalaqat n wusu. Ahat aţ-ţsetḥiḍ aţ-ţhedṛeḍ yid-sen ɣef temsalt-agi. Walit BIDYU-YAGI, mbeɛd hedṛet ɣef yesteqsiyen i d-iţeddun.
-
Acuɣer i gewɛeṛ ɣef kra n imawlan ad hedṛen d dderya-nsen ɣef lɛalaqat n wusu?
-
Amek i xedmen kra n imawlan akken ad hedṛen d dderya-nsen ɣef lɛalaqat n wusu?
Akken i t-id-nnant licaṛat n Wedlis Iqedsen, ddunit-agi n Cciṭan simmal ad yeţzid deg-s cceṛ. Ɣret-ed 2 Timutawus 3:1, 13, mbeɛd hedṛet ɣef westeqsi-yagi:
-
Ger yemcumen i d-yeţwabedren deg wafir wis 13, llan wid yeţnadin ad xedmen lɛaṛ i imecṭaḥ. Ayɣer ihi i glaq ad heddṛen imawlan i dderya-nsen ɣef lɛalaqat n wusu w’a sen-ssefhamen amek ara ḥarben ɣef yiman-nsen seg wid ixeddmen lɛaṛ i imecṭaḥ?
Tɛelmeḍ?
Inagan n Yahwa sɛan aṭas n tezmamin d bidyuwat i geţɛawanen imawlan ad heddṛen d dderya-nsen ɣef lɛalaqat n wusu w’ad ḥarben fell-asen seg wid ixeddmen lɛaṛ i imecṭaḥ. Atentah kra seg-sent:
-
Ḥarbet ɣef warraw-nwen (bidyu)
-
Taktabt Écoute le grand Enseignant, aḥric 10 akk-d 32
-
Parler de sexualité à son enfant (Réveillez-vous ! no 5 2016)
6. Ţqadaret imawlan-nwen
Arrac imecṭaḥ akk-d yelmeẓyen sbegginen-d i imawlan-nsen belli ţqadaren-ten s wamek i sen-heddṛen. Walit BIDYU-YAGI, mbeɛd hedṛet ɣef yesteqsiyen i d-iţeddun.
-
Acu n lfayda ara yaf ilemẓi ma iheddeṛ akk-d imawlan-is s leqder?
-
Amek i gezmer ilemẓi a d-ibeggen belli yeţɛuzzu imawlan-is m’ara sen-iheddeṛ?
Ɣret-ed Lemtul 1:8, mbeɛd hedṛet ɣef westeqsi-yagi:
-
Amek i d-yewwi ad yexdem ilemẓi m’ara t-weṣṣin imawlan-is?
7. Ɛebdet Yahwa lwaḥid di twacult
Tiwaculin n Inagan n Yahwa ɛezzlent-ed lweqt mkul smana i leɛbada n twacult. D acu i geţţilin di leɛbada-yagi? Walit BIDYU-YAGI, mbeɛd hedṛet ɣef yesteqsiyen i d-iţeddun.
-
Amek i tezmer aţ-ţexdem twacult iwakken a s-tuɣal ţ-ţannumi leɛbada n twacult?
-
D acu i zemren ad xedmen imawlan iwakken ad sɛeddin irkelli taswiɛt n lɛali di leɛbada n twacult yerna a d-sfaydin seg-s? (wali ţţewṣifa yellan di tazwara n tmeɣri-yagi).
-
D acu i gzemren a k-yeṭṭef ur teqqareḍ ara Adlis Iqedsen akk-d twacult-ik?
Yahwa iweṣṣa tiwaculin n wat Isṛayil ad heddṛent daymen ɣef Wawal-is. Ɣret-ed Asmekti 6:6, 7, mbeɛd hedṛet ɣef westeqsi-yagi:
-
Amek i tzemreḍ aţ-ţessexdmeḍ lewṣaya yellan deg yefyar-agi?
Kra n leḥwayeǧ i tzemrem aţ-ţxedmem di leɛbada n twacult:
-
Heggit inejmuɛen.
-
Ɣret-ed deg Wedlis Iqedsen kra n teqsiṭ i tḥemmlem, mbeɛd hedṛet fell-as.
-
Ma tesɛam arrac imecṭaḥ, ssufɣet-ed si jw.org tizmamin i d-yeţţuheggan i warrac imecṭaḥ.
-
Ma tesɛam ilmeẓyen, hedṛet ɣef kra n tezmamt i d-yeţţuheggan i yelmeẓyen, yellan di jw.org.
-
Tzemrem a d-tleɛbem kra n teqsiṭ yellan deg Wedlis Iqedsen.
-
Walit kra n bidyu yellan di jw.org, mbeɛd hedṛet fell-as.
KRA QQAREN: “Adlis Iqedsen yewɛeṛ mliḥ a t-fehmen warrac imecṭaḥ.”
-
D acu ara d-tǧawbeḍ?
AYEN I D-NELMED
Yahwa yeṭṭalab i imawlan ad ḥemmlen dderya-nsen, a ten-ṛebbin yerna ad ḥarben fell-asen. Yeṭṭalab i dderya ad ţqadaren imawlan-nsen yerna a sen-ţţaɣen awal. Yeṭṭalab daɣen i iɛeggalen meṛṛa n twacult a t-ţţeɛbaden lwaḥid.
A d-nesmekti
-
Amek i zemren imawlan ad ṛebbin dderya-nsen yerna ad ḥarben fell-asen?
-
Amek i zemren dderya ad ţɛuzzun imawlan-nsen?
-
Acu n lfayda ara taf twacult ma tɛezzel-ed lweqt yal smana i leɛbada n twacult?
TZEMREḌ AŢ-ŢWALIḌ DAƔEN
Amek ara tṛebbiḍ dderya-k akken ad izmiren i yiman-nsen asm’ara imɣuren?
Six valeurs à transmettre aux enfants (Réveillez-vous ! no 2 2019)
Kra n lewṣayat n Wedlis Iqedsen i wid i d-yeţţelhayen d imawlan-nsen meqqren di leɛmeṛ.
Wali taqsiṭ n yiwen wergaz i gessawḍen yuɣal d ababat n lɛali ɣas akken di tazwara ur yeẓri ara amek ara d-iṛebbi dderya-s.
Amek i gezmer ubabat ad yesseǧhed lɛalaqat-is akk-d mmi-s?
Comment un père peut-il rester proche de son fils ? (La Tour de Garde, 1er novembre 2011)
a Deg Wedlis Iqedsen, ameslay-agi “ţṛebga” neɣ “aṛebbi” lmeɛna-s: a nesselmed, a nwelleh w’a nɛiwen dderya bac ad beddlen lɛeqliya-nsen neɣ bac a d-uɣalen s abrid. Ameslay-agi ur d-yeqsid ara maḍi leqseḥ neɣ leqher (Lemtul 4:1).