ENDEEAI KŨSYAĨĨSYA!
Mbivilia Yaĩtye Ata Ĩũlũ wa Ũvyũvu Kwongeleka Mũno Kĩla Vandũ?
Mweinĩ wa 7, 2022, ũvyũvu nũnongelekile mũno ĩũlũ wa nthĩ kwĩ ĩvinda yĩngĩ o na yĩva:
Livoti ĩmwe ĩnaumiwʼe nĩ kĩsese kya maũvoo kĩtawa CNN Wire Service twĩ Matukũ 25, Mwei wa 7, 2022, ĩnaisye: “Kwa ĩvinda ya kelĩ mwei ũũ, vakuvĩ taoni 70 nene nthĩ ya China nikwatĩtwe nĩ ũvyũvu mwingĩ mũno.”
Ĩkaseti yĩtawa The Guardian yĩnaisye ũũ twĩ Matukũ 17, Mwei wa 7, 2022: “Nũndũ wa wongeleku mwingĩ wa ũvyũvu, myaki nĩyĩendeee kũvĩvya itheka kũndũ kwingĩ Europe.”
Twĩ Matukũ 24, Mwei wa 7, 2022, ĩkaseti yĩtawa The New York Times yĩnaisye: “Wakyumwa taoni mbingĩ nthĩ ya Amelika ninaandĩkĩthisye ũvyũvu wĩ ĩũlũ mũno kwĩ ĩvinda yĩngĩ nũndũ syũa yĩnaĩ ĩvyũ mũno.”
Kyo kĩu kĩonanyʼa kyaũ? Yo nthĩ nĩtonya kwĩthĩwa ĩtekalĩka o mĩtũkĩ? Yo Mbivilia yaĩtye ata?
Yo Mbivilia nĩyathanie ĩũlũ wa wongeleku wa ũvyũvu?
Ĩĩ. Wongeleku wa ũvyũvu kĩla vandũ ĩũlũ wa nthĩ ũkonetye maũndũ ala mathaniwe Mbivilianĩ, ala maĩ mekĩke ĩvindanĩ yĩĩ tũĩ. Kwa ngelekanyʼo, Yesũ athanie kana tũkoona “maũndũ ma kũtelemya,” kana “maũndũ ma kũsengyʼa na kũtĩsya.” (Luka 21:11; Good News Translation) Nũndũ wa wongeleku wa ũvyũvu kĩla vandũ ĩũlũ wa nthĩ, andũ aingĩ me na kĩũũyũ mayona nthĩ ta ĩkwanangwa vyũ nĩ andũ wĩthĩe ndĩkalĩka.
Yo nthĩ no yĩse kwĩthĩwa ĩtekalĩka?
Aiee. Twĩasya ũu nũndũ Ngai oombie nthĩ nĩ kana andũ mekalae vo tene na tene. (Savuli 115:16; Mũtavanʼya 1:4) Vandũ va kũeka andũ mamyanange, athanĩte kana akoosa ĩtambya ya “kũmananga ala manangaa nthĩ.”—Ũvuanyʼo 11:18.
Kwavindĩĩsya mawathani aa elĩ monanĩtye kĩla Ngai wathanĩte:
“Weũ na nthĩ nyũmũ ikatana; na yalata yĩkatana, na kũlaũka ta ĩlaa ya lose.” (Isaia 35:1) Ngai ndesa kũeka nthĩ yanangwe nginya ĩtwʼĩke yalata, ĩndĩ akaseũvya kũla yanangĩtwe.
“Nũmyũkĩaa nthĩ, na kũmĩnyithya, nũmĩnoasya mũno.” (Savuli 65:9) Ngai akaathima nthĩ na kũmĩtwʼĩkĩthya nzaũ.
Nĩ kana wĩmanyĩsye mũnango ũndũ kũvĩndũka kwa nzeve kwĩanĩĩtye wathani wa Mbivilia, soma kĩlungu kĩ na kyongo, “Biblia Inasema Nini Kuhusu Mabadiliko ya Hali ya Hewa na Wakati Wetu Ujao?”
Nĩ kana wĩmanyĩsye mũnango ũndũ Mbivilia yathanĩte ĩũlũ wa mawĩthyũlũlũko kũtũngĩĩwa, soma kĩlungu kĩ na kyongo, “Ni Nani Atakayeiokoa Dunia?”
No Wendeewʼe Nĩ Ii
SYONGO MBINGANGĨ
Mbivilia no Ĩũtetheesye Yĩla Nzeve Yaalyũka Vyũ?
Ũtao wa Mbivilia no ũũtetheesye kwĩyũmbanĩsya mĩisyo ĩla ĩtũkwataa nzeve yaalyũka, na no ũũtetheesye yĩla mĩisyo ĩsu yaumĩla kana yathela.
ESSENTIAL BIBLE TEACHINGS
Nĩkĩ Ngai Woombie Nthĩ?
Nthĩ yitũ yusĩe syĩndũ mbanake. Ngai Amĩiie ũasanĩ ũla waĩlĩte kuma vala ve sua na amĩseũvya weethĩa yĩthiũũka ũndũ vaĩlĩte. Nĩkĩ Ngai weekĩie kĩthito kingĩ mũno kũmba nthĩ?
SYONGO MBINGANGĨ
Mbivilia Yaĩtye Ata Ĩũlũ wa Ũalyũku wa Nzeve na Ĩvinda Yitũ Yũkĩte?
We Mũmbi nũthĩnĩkĩaa nthĩ ĩno na ala mamĩtwĩe?
MOSŨNGĨO MA MAKŨLYO MA MBIVILIA
Yo Nthĩ Ĩkaanangwa Vyũ?
No ũsengʼe wamanya kĩla Mbivilia ĩmanyĩasya.
MOMANYĨSYO MA MBIVILIA
Ambĩĩa Kwĩmanyĩsya Mbivilia Naitũ
Ambĩĩa kwĩmanyĩsya Mbivilia na mwalimũ waku vate ndĩvi.
