Ne Friday, February 24, 2023, kowo be ku wila gole chinga kwe chingwe cha ka bipa chi shingikala: ku tangisa kwe ngwa ku Ukraine. Ku yenda ne mbiko dzingwe, masole angabe 300 000 e Ukraine ne Russia a ka bulawa kene a ka kubadziwa, ngono ko dumigwa kuti bathu ba ngabo 30 000 ba ka bulawa ne ntata ye ngwa iyeyo. Ne kwa ka jalo, palo dzose dzi ngana dzi kabe dzi pinda idzedzi.

 Chi no gwadza wuti, ngwa iyeyi ko lingika i nowo tola chibaka chilefu.

•   Ku ngabe chibaka che gole chinga kwa Russia ya ka tangisa ku thasela Ukraine, ha ku to lingika ngwa iyeyi i nowo pela mu nako ifutshwanana. Ha ku to lingika kuti mu shango idzedzi mbili dzi no gwisana kuna i nowo kunda ingwe, kakale ha ku to lingika kuti shango idzedzi mbili dzowo khona ku rarabulula khani yadzo.”—NPR (National Public Radio), February 19, 2023.

 Bathu banjinji ba ka tshwenyiwa ne kuti bathu ba sina nlandu ba no gwadziwa ne ku dziyidziwa ku no thamiwa ne ngwa iyeyi ne dzingwe. Baibili i no thembesani? A ngwa dzowo pela?

 Baibili i no leba ne kwe ngwa i nowo chidza bathu, isini ku ba bulaya. Ngwa iyeyo i no dangwa Amagedoni, ngono i no chenesiwa se “ngwa mu zhuba gulu le Ndzimu Masimbawose.” (Zumbunulo 16:14, 16) Ndzimu u nowo shingisa nghwa iyeyo ku pedzisa mibuso ye bathu ya ka thama ngwa dzinjinji dza ka chinya. Ku zwidiya se kwa Amagedoni i nowo thama kuti ku be ne mbakiso i singa pele, bala misholo i no tobela:

•   “Ngwa ye Amagedoni Ini?”

•   “Haramagedona e a Itumedisa!”