Keti Kele ti Mambu Yina Lenda Sadisa Nge na Kuzaba Kibeni Mutindu Luzingu na Nge ta Vanda na Bilumbu Ke Kwisa?
Bantu mingi ke yindulaka nde kele ti ngolo mosi yina ke monanaka ve ya ke twadisaka luzingu na bo. Mambu yai ya bo ke ndimaka ke pusaka bo na kusala mambu ya mutindu na mutindu yina bo ke yindulaka nde yo ta natila bo shanse to nde luzingu na bo ta vanda mbote.
MAMBU YINA BANTU MINGI KE NDIMAKA
ASTROLOZI: Bantu mingi ke ndimaka nde mutindu bambwetete ke basikaka na zulu ntangu muntu mosi me butuka, yo ke monisaka mutindu yandi ta vanda na bilumbu ke kwisa. Bo ke bulaka nsaka ya shanse sambu bo zaba mambu yina ta kumina bo mpi sambu yo sadisa bo na kutina mambu ya mpasi to sambu yo sadisa bo na kubaka badesizio ya mbote.
MUNTU YINA KE ZABISAKA BANTU MAMBU YINA TA KUMINA BO: Bantu ya nkaka ke ndimaka nde kana bo kwenda na muntu yina ke zabisaka bantu mambu yina ta kumina bo, yandi lenda songa bo mambu yina ta kumina bo mpi mambu yina bo lenda sala. Kana bo me zaba yo, yo lenda sadisa bo na kutina mambu ya mpasi yina ta kumina bo mpi yo ta sala nde bo vanda ti luzingu ya mbote.
LUSAMBU YA BANKAKA: Bubu yai bantu mingi ke ndimaka nde bo fwete sambila bankaka na bo yina me fwaka to bo fwete sala mambu ya nkaka sambu bankaka na bo yina me fwaka kutanina mpi kusakumuna bo. Van *, yina ke zingaka na Vietnam ke tuba nde: “Mono vandaka kundima nde kana mono ke sambila bankaka na mono, mono ti bana na mono beto ta vanda ti luzingu ya mbote bubu mpi na bilumbu ke kwisa.”
KUBUTUKA DIAKA: Bantu mingi ke ndimaka nde kana muntu me fwa, yandi ke butukaka diaka mpi nde yo ke vandaka mutindu yina. Bo ke ndimaka mpi nde mambu ya mbote to ya mbi yina bo ke kutanaka ti yo, kele sambu na mambu yina bo salaka na luzingu na bo ya ntama.
Ata bantu ya nkaka ke tubaka nde bo lenda ndima ve ata fioti mambu yai kansi bo ke landaka kusala mambu bonso: Bambuma ya kristale, nsaka ya shanse, kutanga banzila ya maboko mpi bakarte. Bo ke yindulaka nde kana bo sadila bansaka yai ya shanse yo lenda sadisa bo na kuzaba mutindu luzingu na bo ta vanda na bilumbu ke kwisa.
KETI YO KE SADISAKA BO?
Bantu yonso yina ke ndimaka malongi yai, keti bo kele ti luzingu ya mbote bubu yai to bo ta vanda ti luzingu ya mbote na bilumbu ke kwisa?
Beto tala mambu yina kuminaka Hào yina ke zingaka na Vietnam. Yandi vandaka kusadila, astrolozi, muntu yina ke zabisaka bantu mambu yina ta kumina bo mpi lusambu ya bankaka. Keti yo sadisaka yandi? Yandi ke tuba nde: “Mbongo na mono yonso manaka, mono kumaka ti bamfuka mingi, mavwanga kumaka kubasika na dibuta na mono mpi mono kumaka kuniokwama na mabanza.”
Qiuming yina ke zingaka na Taïwan, vandaka kusadila mpi astrolozi, muntu yina ke zabisaka bantu mambu yina ta kumina bo, lusambu ya bankaka mpi yandi vandaka kundima nde muntu lenda butuka diaka. Na nima ya kutadila mambu yai mbote-mbote, yandi ke tuba nde: “Mono bakisaka nde malongi mpi bikalulu yai ke wakanaka ve mpi bantu ke bakisaka yo ve. Mono bakisaka nde mbala mingi mambu yina astrolozi vandaka kutuba vandaka ya luvunu. Mono monaka diaka nde dilongi ya kubutuka diaka kele luvunu. Kana muntu me zaba ve mambu yina yandi salaka na ntwala nde yandi butuka diaka, nki mutingu yandi lenda soba to kusala mambu ya mbote sambu yandi vanda ti luzingu ya mbote na bilumbu ke kwisa?”
“Mono bakisaka nde malongi mpi bikalulu yai ke wakanaka ve mpi bantu ke bakisaka yo ve.”—QIUMING, TAIWAN
Hào, Qiuming mpi bantu ya nkaka, bakisaka nde sambu na kuvanda ti luzingu ya mbote na bilumbu ke kwisa, beto fwete sala ve lusambu ya bankaka, beto fwete ndima ve malongi ya kubutuka diaka, beto fwete sala ve bansaka ya shanse mpi beto fwete ndima ve nde Nzambi me yidikaka dezia mambu yina ta kumina beto. Keti yo ke monisa nde beto fwete sosa ve kuzaba mutindu luzingu na beto ta vanda na bilumbu ke kwisa?
Bantu mingi ke yindulaka nde sambu bo vanda ti luzingu ya mbote na bilumbu ke kwisa, bo fwete sala banzo-nkanda ya nda mpi kukuma bamvwama. Keti yo ke sadisaka bo na kuvanda ti luzingu ya mbote?
^ par. 6 Na disolo yai mpi na disolo ya ke landa, beto me soba bazina ya nkaka.
^ par. 16 Mambu yai kele na Biblia ya Santu na Bagalatia 6:7. Bantu ya nkaka ya Azia ke tubaka mambu ya ke wakana ti mambu ya kele na verse yai. Bo ke tubaka nde kana nge me kuna bakonkombre nge ta katula mpi bakonkombre; kana nge me kuna madesu, nge ta katula mpi madesu.
Nge Lenda Sepela Mpi Ti
NZOZULU YA NKENGI
Astrolozi mpi Kuzabisa Mambu Yina Ta Salama—Yo Ke Sadisaka na Kuzaba Makwisa?
Keti nge lenda tula ntima na mitindu yai ya kuzabisa na ntwala mambu yina ta salama?
NZOZULU YA NKENGI
Mambu Yina Biblia Ke Tubaka Sambu na Luzingu mpi Lufwa
Keti bitini ya nkaka ya nitu na beto ke zingaka kana beto me fwa? Keti beto ke vandaka ti moyo yina ke fwaka ve? Bafwa kele na wapi?
