Na mvu 33 T.B., Yezu fwaka, futumukaka na bafwa mpi tombukaka na zulu. Na nima, Nzambi pesaka Yezu kiyeka ya kuyala bonso Ntotila. (Daniele 7:13, 14) Na bilumbu ke kwisa, Yezu ta sadila kiyeka na yandi bonso Ntotila sambu na kutula ngemba na ntoto mpi kumanisa kinsukami.—Tanga Nkunga 72:7, 8, 13.

Sambu Yezu ta vanda Mfumu ya bantu, yandi ta sala mambu ya kitoko. Yandi ta sadila kiyeka yina Tata me pesaka yandi sambu bantu kukuma ya kukuka. Bantu ta sepela ti luzingu na ntoto sambu lufwa mpi kinunu ta vanda diaka ve.—Tanga Yoane 5:26-29; 1 Bakorinto 15:25, 26.

Ntangu yai, Yezu ke twadisa kisalu ya kusamuna yina balongoki na yandi ya kieleka ke sala na ntoto ya mvimba. Bo ke kwendaka kutala bantu sambu na kusonga bo mambu yina Biblia ke tubaka sambu na Kimfumu ya Nzambi. Yezu tubaka nde yandi ta fula kupesa maboko na kisalu ya balongoki na yandi tii kuna Kimfumu ya Nzambi ta fwa baluyalu ya bantu.—Tanga Matayo 24:14; 28:19, 20.

Yezu ke sadilaka dibundu ya kieleka ya Bukristu sambu na kutwadisa bantu na luzingu ya mbote. Yandi ta landa na kutwadisa bo tii kuna ngidika yai ya bima ta fwa mpi ta kotisa bo na nsi-ntoto ya mpa yina Nzambi me silaka.—Tanga 2 Piere 3:7, 13; Kusonga 7:17.