ТʹЕМА ЖЬ РʹУЙЕ ЖУРНАЛЕ | ЧЬ БЬКЬН ЧАХЕ ПʹЬРʹ ХӘМГИН ДЬБЬН
Хәмгини Һʹәму Дәра Һәйә!
«Әз чум сәва кӧ хԝарьне бькʹьрьм, ле мьн дькʹанеда тʹәне тотьк дит, у әԝ жи әʹщеб бьһа бу! Рʹожа дьн, дькʹанада хԝарьн ида ԛә тʹӧнә бу» (Паул, Зимбабв).
«Малхе мьн, әз дамә рʹуньштандьне у гот кӧ әԝ мә дьһелә дьчә. Мьн ча гәрәке тәйах кьра кӧ әԝи ӧса нәмами кьр? Ԝе ча бьбуйа һʹале зарʹед мьн?» (Щанет, Дәԝләтед Йәкбуйи).
«Чахе әз дәнге сиренайа дьбьһем, әз дьрʹәвьм щийе сьтʹаре у сәр әʹрде вәдьләзьм. Паши тʹәԛандьна ракета, бь сьһʹәта дәстед мьн һе дьләрьзьн» (Алона, Исраел).
Әм «зәманед хьрабда» дьжин, кӧ бь хәмгинийе тʹьжә йә (2 Тимотʹейо 3:1). Гәләк мәрьв зийане дьстиньн жь бо проблемед пʹәрава гьредайи, һәвԛәтандьна малбәтеда, шәрʹа, нәхԝәшийед гьран, тʹәшԛәлед тʹәбийәте у тʹәшԛәлед кӧ мәрьв хԝәха чедькьн. Хенщи ԝе йәке, мәрьв шәхси дәрһәԛа хԝә бәрхԝәдькʹәвьн. Гәләк бь фькьред ӧса дьчәрчьрьн: «Гәло гьрийа мьн нәбә нәхԝәшийа рәʹԛ?» Йан жи: «Гәло нәвийед мьн дьнйакә чада ԝе бьжин?»
Рʹаст ә нә һʹәму хәмгини зийан ньн. Тʹәбийәти йә кӧ мәрьв бәрхԝәдькʹәвә чахе гәрәке екзамина бьдә, йан гәрәке дәре сәр сене, йан жи гәрәке ԛьсәкьрьн дәрбаз бә бона бькʹәвә хәбате. Һьн жи тьрса жь бо ԛәзийа, мә жь зийане хԝәй дькә. Ле һәрге мәрьв зәʹф хәмгин дьбә у бәрхԝәдькʹәвә, әԝ йәк зийане дьдә ԝи. Ԝан пашԝәхтийа леколин һатьн кьрьне, бь аликʹарийа 68 000 зедәтьр мәрьвед мәзьн. Әԝе леколинкьрьне әʹйан кьр, кӧ һәла һе хәмгинийа бьчʹук жи, жийине кем дькә. Ләма жи Иса пьрсәкә ӧса да: «Иди жь ԝә кʹи дькарә бь хәмед хԝә дәԛәке сәр әʹмьре хԝәда зедә кә?» Бешьк, хәмгинийе тʹӧ кәсирʹа жийин зедә нәкьрийә. У ләма Иса ширәтәкә ӧса да: «Хәма нәкьн» (Мәтта 6:25, 27). Ле гәло ӧса дькарә бьбә?
Бәле дькарә бьбә, һәрге әм биланийе бьдьнә хәбате, баԝәрийа хԝә һьндава Хԝәде ԛәԝи кьн, у гӧмана мәйә рʹаст бона ахьрийе һәбә. Дьбәк иро мәʹни тʹӧнәнә кӧ әм гәләк хәмгин бьн, ле дьԛәԝьмә ахьрийеда һәбә. Ләма ԝәрен әм пебьһʹәсьн кӧ чаԝа әԝан ширәта али Паул, Щанет, у Алона кьрьн, кӧ пʹьр хәмгин нәбьн.
