Nzembo 13:1-6
Epai ya mokambi ya nzembo.Mondule ya Davidi.
13 Ee Yehova, tii ntango nini okobosana ngai? Mpo na libela?
Tii ntango nini okobombela ngai elongi na yo?+
2 Tii ntango nini nakomitungisa,*Motema na ngai ekozala na mawa mokolo mobimba?
Tii ntango nini monguna na ngai akolonga ngai?+
3 Talá ngai mpe yanolá ngai, Ee Yehova Nzambe na ngai.
Ngɛngisá miso na ngai, mpo nalala na kati ya liwa te,
4 Mpo monguna na ngai aloba te ete: “Nalongi ye!”
Kotika te ete banguna na ngai básepela na kokwea na ngai.+
5 Mpo ngai natye motema na bolingo na yo ya sembo;+Motema na ngai ekosepela na misala na yo ya kobikisa.+
6 Nakoyembela Yehova, mpo apesi ngai mbano monene mpenza.+
Maloba na nse
^ To, “molimo na ngai ekotungisama.”
