Ntshinyi tshidi Bible wamba?
Tshitendelelu ntshintu tshienza kudi bantu anyi?
BAMUE BANTU BADI BELA MEJI NE: tshitendelelu ntshintu tshienza kudi bantu; bakuabu badi bamba bobu ne: Nzambi udi ukoka bantu kudiye ku diambuluisha dia tshitendelelu. Kadi wewe udi wela meji kayi?
TSHIDI BIBLE WAMBA
Kudi “ntendelelu udi mukezuke ne kayi munyanguke ku mêsu kua Nzambi wetu ne Tatu.” (Yakobo 1:27) Tshitendelelu tshikezuke anyi tshilelela tshidi tshifumina kudi Nzambi.
MMALU KAYI MAKUABU ATUDI TULONGA MU BIBLE?
Bua tshitendelelu kusankishatshi Nzambi, tshidi ne bua kuangatshila malongesha atshi mu Bible.—Yone 4:23, 24.
Bitendelelu bidi bimanyine pa ngenyi ya bantu mbia mafi.—Mâko 7:7, 8.
Bidiku ne mushinga bua kuikala mu tshitendelelu kampanda anyi?
UDI MUA KUANDAMUNA BISHI?
Eyowa
Tòo
Bilondeshile muntu ne muntu
TSHIDI BIBLE WAMBA
“Tutabalelanganayi muntu ne muntu bua kusakangana ku dinanga ne ku bienzedi bimpe, katuyi tulekela kudisangisha kuetu pamue.” (Ebelu 10:24, 25) Nzambi mmusue bua batendeledi bende benze tshisumbu tshimue tshilongolola.
MMALU KAYI MAKUABU ATUDI TULONGA MU BIBLE?
Aba badi batendelela Nzambi muaba umue badi ne bua kuikala ne ditabuja dimue.—1 Kolinto 1:10, 11.
Bena mu tshitendelelu tshidi Nzambi wanyisha badi benza dîku dia pa buloba bujima.—1 Petelo 2:17.
Mona bikuabu:
MANDAMUNA A NKONKO YA MALU A MU BIBLE
Mmushindu kayi undi mua kumanya tshitendelelu tshilelela?
Bible udi uleja bimanyinu tshitema bia tshitendelelu tshilelela.
TSHIBUMBA TSHIA NSENTEDI
Kudiku tshitendelelu tshia kueyemena anyi?
Tshitendelelu ntshikutekeshe mu mikolo anyi? Bikalabi nanku, bidi mua kukukolela bua kueyemena tshitendelelu kayi tshionso. Dilonga dia Bible didi mua kukuambuluisha mushindu kayi?
