Be Joneno mag Jehova Gin Joma Galagala?
Ooyo, Joneno mag Jehova ok gin joma galagala. Kar mano, wan Jokristo ma temo duto ma wanyalo mondo waluw ondamo mag Yesu kendo dak kaluwore gi puonj mage.
Din ma galagala en ang’o?
Wach motigo ni “galagala,” itiyogo e yo mopogore opogore. Kata kamano, wanon ane yore ariyo madongo ma itiye gi wachno kod gimomiyo ok nyal ti kode kuom Joneno mag Jehova.
Jomoko tiyo gi wach mar galagala ka giwuoyo kuom din manyien kata ma wendo e wang’ ji. Din mar Joneno mag Jehova ok en din manyien. Watimo lamowa ka waluwo puonj kod ranyisi mag Jokristo mokwongo, ma ondik e Muma. (2 Timotheo 3:16, 17) Wayie ni Ndiko Maler ema onego ota ji e weche mag lamo.
Jomoko wacho ni din marach kendo ma jatende en dhano en din ma galagala. Joneno mag Jehova ok oketo dhano moro amora kaka jatendgi. Kar mano, giluwo weche ma Yesu nowacho ne jolupne niya: “Jatendu en achiel, ma en Kristo.”—Mathayo 23:10.
Din mar Joneno mag Jehova timo lamogi e yo ma konyogi kendo gikonyo jomoko be. Kuom ranyisi, tijwa mar lendo osekonyo ji mang’eny moweyo timbe maricho kaka, weyo kong’o kod yedhe mamero ji. E wi mano, gisekonyo ji mang’eny e piny mangima mondo ong’e somo kod ndiko. Bende wakonyo ji kuonde ma masira otimore. Watemo matek mondo wabed gi paro makare kuom jomoko, mana kaka Yesu nochiko jolupne mondo otim.—Mathayo 5:13-16.
Samoro Inyalo Hero Magi Bende
VIDIO MAG LENDO
Joneno mag Jehova—Gin Jomage?
Ji mang’eny gomboga ng’eyo ni Joneno mag Jehova gin jomage. Wuo kodgi achiel kachiel mondo ing’egi maber.
PENJO MA JI JOPENJO
Bura Matayo Joneno mag Jehova En Ang’o?
Be joma nie Bura Matayo e jotelo mag riwruogwa?
PENJO MA JI JOPENJO
Ng’a ma Nochako Din mar Joneno mag Jehova?
Som gima omiyo ok en adier ni Charles Taze Russell ema nochako din mar Joneno mag Jehova.
PENJO MA JI JOPENJO
Joneno mag Jehova Oyie gi Ang’o?
Ng’e puonj ma wayiego. E sulani, oler 15 kuom puonjgo e yo machuok.
WECHE E WIWA
Kwa Mondo Opuonji Muma Nono ma Onge Chudo
Yud puonjruok Muma ma onge chudo e sa mowinjore kodi kendo e kama ihero.