LESON 39
Fason ki Bondie Konsider Disan
Disan bien inportan. Enn dimounn pa kapav viv san disan. Antan ki nou Kreater, Bondie ena drwa pou dir nou kouma nou bizin servi disan. Me ki Li’nn dir konsernan disan? Eski nou kapav manz disan ouswa met disan? Ek kouma nou kapav pran bann bon desizion konsernan disan?
1. Kouma Zeova konsider disan?
Zeova ti dir so bann serviter dan lepase: “Lavi tou kalite kreatir li dan so disan.” (Levitik 17:14) Pou Zeova, disan reprezant lavi. Parski lavi li enn kado sakre ki Bondie inn donn nou, disan osi li sakre.
2. Dan ki fason Bondie pa kontan nou servi disan?
Depi avan lepok bann Kretien, Zeova ti demann so bann serviter pou pa manz disan. (Lir Zenez 9:4 ek Levitik 17:10.) Li ti redonn sa lord-la kan komite santral ti demann bann Kretien pou “pa pran disan.”—Lir Zistwar Bann Apot 15:28, 29, NW.
Ki savedir pa pran disan? Nou pran enn lexanp: Si enn dokter demann ou pou pa pran lalkol, li lozik ki ou pa pou bwar lalkol, pa vre? Me, eski ou pou manz enn manze kot ena lalkol ladan ouswa eski ou pou met li direk dan ou lavenn atraver enn sereng? Non, ou pa pou fer sa. Dan mem fason, lord ki Bondie inn donn nou pou pa pran disan, vedir ki fode pa nou bwar disan ouswa manz enn laviann ki pa’nn vers so disan. Fode pa osi ki nou manz okenn manze ki’nn azout disan ladan.
Ki nou kapav dir lor servi disan dan domenn medikal? Sertin teknik medikal al kont bann lalwa Bondie. Parmi, ena met disan total ouswa so bann parti prinsipal, setadir globil rouz, globil blan, plaket, ek plasma. Kitfwa ena lezot teknik medikal kot nou pa tro sir si li al kont lalwa Bondie. Par exanp, ena sertin teknik kot servi fraksion bann parti prinsipal disan. Ena lezot teknik kot servi enn dimounn so prop disan. Kan nou reflesi lor tou bann opsion ki nou ena, sakenn parmi nou bizin deside ki li pou fer. a—Galat 6:5.
ANOU GET INPE PLIS
Gete kouma ou kapav pran bon bann desizion konsernan disan dan domenn medikal.
3. Pran bann desizion medikal ki fer Zeova plezir
Kouma ou kapav pran bann desizion medikal ki an-akor avek seki Bondie panse? Zwe VIDEO-la, ek apre sa, gete kifer li inportan pou swiv bann letap ki ena apre.
-
Priye pou gagn sazes.—Zak 1:5.
-
Rod bann prinsip Labib ek gete kouma ou kapav aplik zot.—Proverb 13:16.
-
Rod bann diferan opsion ki ena dan landrwa kot ou reste.
-
Reflesi ki bann opsion ou pa pou aksepte.
-
Fer sir ki ou desizion pou fer ou kontign ena enn konsians kler.—Zistwar Bann Apot 24:16. b
-
Rapel ki personn pa gagn drwa dir ou ki desizion ou bizin pran kan sa konsern ou konsians, mem pa ou konzwin, enn ansien, ouswa sa kikenn ki pe ansegn ou Labib la.—Romin 14:12.
-
Ekrir seki ou’nn deside.
4. Bann Temwin Zeova rod bann meyer swin medikal ki ena
Li posib pou obeir bann lalwa Bondie konsernan disan ek anmemtan pou gagn bann meyer swin medikal kot pa servi disan. Zwe VIDEO-la.
Lir Tit 3:2, ek apre sa, get sa kestion-la ansam:
-
Kifer nou bizin touletan montre respe ek douser kan nou koz avek bann dimounn ki travay dan domenn lasante?
|
Pa akseptab |
Sak Kretien bizin deside |
|---|---|
|
A. Plasma |
Fraksion plasma |
|
B. Globil blan |
Fraksion globil blan |
|
C. Plaket |
Fraksion plaket |
|
D. Globil rouz |
Fraksion globil rouz |
5. Bann fraksion disan
Disan divize an kat parti prinsipal: globil rouz, globil blan, plaket, ek plasma. Kapav kas sa kat parti prinsipal la dan bann pli tipti parti, ki apel bann fraksion disan. c Servi sertin sa bann fraksion-la dan sertin medsinn ki ede pou lit kont bann maladi ouswa ki kapav ede pou aret bann sengnman.
Kan sa konsern bann fraksion disan, sak Kretien bizin pran so prop desizion dapre so konsians ki’nn forme par Labib. Sertin dimounn kapav desid pou refiz enn tretman medikal, enn test medikal, ouswa pou servi bann teknik medikal kot pou servi bann fraksion disan. Alor ki lezot, zot konsians kapav permet zot pou aksepte servi bann fraksion disan.
Avan ki ou pran bann desizion, reflesi lor sa kestion-la:
-
Kouma mo pou explik mo dokter kifer mo pe refiz ouswa aksepte pou servi sertin fraksion disan?
SERTIN KAPAV DEMANDE: “Ki ena demal pou met disan?”
-
Ki ou panse?
SEKI NOU’NN APRANN
Zeova anvi ki nou konsider disan kouma enn kitsoz ki sakre.
Eski Ou Rapel?
-
Kifer Zeova konsider disan kouma enn kitsoz ki sakre?
-
Kouma nou kone ki lord ki Bondie inn done pou pa pran disan, vedir osi pa met disan?
-
Kouma ou kapav pran bann bon desizion dan domenn medikal konsernan disan?
DEKOUVER
Lor ki kitsoz ou bizin reflesi avan ki ou deside pou aksepte enn teknik medikal kot pou servi ou prop disan?
“Kestion Bann Lekter” (Latour Degard, 15 Oktob 2000, an Franse)
Lor ki kitsoz ou bizin reflesi kan ou pe deside si ou bizin aksepte bann fraksion disan ouswa non?
“Kestion Bann Lekter” (Latour Degard, 15 Zin 2004, an Franse)
Ki’nn ed enn dokter pou konpran ki fason panse Zeova lor disan li rezonab?
« J’ai accepté le point de vue de Dieu sur le sang » (Leve!, 8 Desam 2003, an Franse)
Gete kouma bann ansien ki servi dan Komite Liezon Ospitalie soutenir zot bann frer ek ser.
c Sertin dokter kapav konsider sa kat parti prinsipal la kouma bann fraksion disan. Akoz sa, kitfwa ou pou bizin explike kifer ou’nn deside personelman pou pa met disan total ouswa so kat parti prinsipal (globil rouz, globil blan, plaket, ek plasma).
Ena Osi
KESTION KI POZE SOUVAN
Ki sa Inplike Etidie Labib Avek Bann Temwin Zeova?
Bann Temwin Zeova ofer bann letid Labib gratis, ek ou kapav servi ninport ki version Labib ki ou anvi. Santi ou lib pou invit bann manb ou fami ouswa bann kamarad ki ou anvi.
