Ta Eo Baibõl̦ Ej Ba?
Enaaj ke wõr aenõm̦m̦an ilo lal̦ in?
Ta l̦õmn̦ak n̦e am̦?
Aet
Jaab
Bõlen
Ekkar ñan Baibõl̦
Ium̦win tõl eo an Jesus Christ, “enaaj l̦ap aenõm̦m̦an m̦ae iien ejako allõñ,” mel̦el̦ein bwe enaaj wõr aenõm̦m̦an ñan indeeo.—Sam 72:7.
Ta men ko jet Baibõl̦ ej ba?
Naaj jol̦o̦k armej ro renana jãn lal̦ in, innem armej ro rem̦m̦an renaaj “m̦õn̦õn̦õ kõn aenõm̦m̦an el̦ap.”—Sam 37:10, 11.
Anij enaaj kõjem̦l̦o̦k aolep tarin̦ae ko.—Sam 46:8, 9.
Ilo raan kein, jemaroñ ke lukkuun aenõm̦m̦an ilo bũruod im l̦õmn̦ak ko ad?
Jet armej rej tõmak . . . bwe jeban lo aenõm̦m̦an ilo bũruod im l̦õmn̦ak ko ad kõn an lal̦ in obrak kõn men ko rejjab jim̦we im men ko rej kaeñtaan kõj. Ta l̦õmn̦ak n̦e am̦?
Ekkar ñan Baibõl̦
Ro rej epaake Anij, remaroñ kiiõ bõk “aenõm̦m̦an jãn Anij, eo ej el̦l̦ã jãn jel̦ã otemjej.”—Pilippai 4:6, 7.
Ta men ko jet Baibõl̦ ej ba?
Anij ej kallim̦ur bwe enaaj jol̦o̦k eñtaan im aolep wãween ko rejjab jim̦we. Im enaaj ‘kõm̦m̦an bwe men otemjej ren kããl.’—Revelesõn 21:4, 5.
Jemaroñ lo aenõm̦m̦an ilo bũruod im l̦õmn̦ak ko ad el̦aññe jej kate kõj ñan ejaake juon jem̦jerã em̦m̦an ippãn Anij.—Luk 11:28, UBS.
