ഗീതം 31
യാഹിനോടൊപ്പം നടക്കാം!
(മീഖ 6:8)
-
1. നടക്ക യാഹിൻ കൂടെ നാം
വിനീതരായെന്നെന്നും.
നിഷ്‌കളങ്കരായ്‌, തൻ വിശ്വസ്‌തരായ്‌
നിന്നീടാം യാഹിൻ ചാരെ.
തൃക്കൈ പിടിച്ചെന്നും പോകുമ്പോൾ
നാം കാക്കും നേർവഴി.
യഹോവ തന്റെ കൈകളാൽ
നടത്തീടട്ടെ നമ്മെ.
-
2. നടക്ക യാഹിൻ കൂടെ നാം
എന്നെന്നും വിശുദ്ധിയിൽ.
കാൽച്ചുവടുകൾ ഇടറുകിലോ,
നമ്മെ യഹോവ താങ്ങും.
വിശിഷ്ടമാം തിരുവാക്യങ്ങൾ,
വിശുദ്ധ കാര്യങ്ങൾ,
വിവേകമോടെ ധ്യാനിക്കാം,
വിജയം നാം പ്രാപിപ്പാൻ.
-
3. നടക്ക യാഹിൻ കൂടെ നാം
തൻ പ്രിയ സ്‌നേഹിതരായ്‌.
തൻ കൃപകൾ നാം മറന്നിടാതെ,
നൽകാം സ്‌തുതി എപ്പോഴും.
സത്‌പാതേ നാം നടന്നീടുകിൽ,
സദാ സന്തോഷിക്കിൽ,
യാഹിന്റെ സ്വന്തമായ്‌ നമ്മെ
അറിഞ്ഞീടുമേവരും.
(ഉൽപ. 5:24; 6:9; ഫിലി. 4:8; 1 തിമൊ. 6:6-8 കൂടെ കാണുക.)
