नीतिवचनं २५:१-२८
२५ यहूदाचा राजा हिज्कीया+ याच्या लेखकांनी उतरवून घेतलेली,* शलमोनची आणखी काही नीतिवचनं:+
२ एखादी गोष्ट गुप्त ठेवणं, यात देवाचा गौरव आहे,+आणि एखाद्या गोष्टीचा शोध घेणं, यात राजांचा गौरव आहे.
३ आकाश जितकं उंच आणि पृथ्वी जितकी खोल आहे,तितकाच राजाच्या मनाचा थांग लागणं अशक्य आहे.
४ चांदीमधून गाळ काढून टाक,म्हणजे ती पूर्णपणे शुद्ध होईल.+
५ राजासमोरून दुष्टाला काढून टाक,म्हणजे त्याचं राजासन न्यायामुळे स्थिर होईल.+
६ राजासमोर स्वतःची बढाई मारू नकोस,+मोठमोठ्या लोकांमध्ये उभा राहू नकोस.+
७ कारण एखाद्या प्रतिष्ठित माणसासमोर त्याने तुझा अपमान करण्यापेक्षा,“इकडे वर ये” असं त्याने म्हणणं चांगलं.+
८ खटला भरण्याची घाई करू नकोस,कारण नंतर तुझ्या शेजाऱ्‍याने तुला लज्जित केलं, तर तू काय करशील?+
९ त्याच्यासोबत झालेला वाद मिटव,+पण त्याच्या खाजगी गोष्टी* सगळ्यांना सांगू नकोस.+
१० कारण ती गोष्ट ऐकणारा तुझा अपमान करेलआणि तू पसरवलेली वाईट गोष्ट* तुला मागे घेता येणार नाही.
११ योग्य वेळी बोललेले शब्द,चांदीच्या टोपलीत ठेवलेल्या सोन्याच्या सफरचंदांसारखे असतात.+
१२ जो ऐकून घ्यायला तयार असतो, त्याच्यासाठी ताडन देणारा बुद्धिमान माणूस,सोन्याच्या कर्णफुलासारखा आणि शुद्ध सोन्याच्या दागिन्यासारखा असतो.+
१३ कापणीच्या दिवशी जसा बर्फाचा गारवा,तसा विश्‍वासू निरोप्या त्याच्या पाठवणाऱ्‍यासाठी असतो,कारण तो आपल्या मालकाला* ताजंतवानं करतो.+
१४ ढग जमतात, वारा सुटतो पण पाऊस पडत नाही,त्याचप्रमाणे एखादा माणूस, न दिलेल्या भेटवस्तूबद्दल* नुसतीच बढाई मारतो.+
१५ सहनशील वृत्तीमुळे अधिकाऱ्‍याचं मन जिंकता येतं,आणि मऊ* जीभ हाड मोडते.+
१६ मध सापडला, तर हवा तेवढाच खा,जास्त खाल्लास, तर तू तो ओकून टाकशील.+
१७ आपल्या शेजाऱ्‍याच्या घरी सारखंसारखं जाऊ नकोस,नाहीतर तो कंटाळून तुझा द्वेष करू लागेल.
१८ आपल्या शेजाऱ्‍याविरुद्ध खोटी साक्ष देणारा,सोटा, तलवार किंवा तीक्ष्ण बाण यांच्यासारखा असतो.+
१९ संकटाच्या काळात बेभरवशाच्या* माणसावर अवलंबून राहणं,हे तुटलेल्या दाताने चावण्यासारखं आणि लटपटत्या पायाने चालण्यासारखं आहे.
२० दुःखी मनाच्या माणसासमोर गाणी म्हणणारा,+थंडीच्या दिवशी वस्त्र काढून घेणाऱ्‍यासारखाआणि मिठावर* ओतलेल्या शिरक्यासारखा* असतो.
२१ तुझा शत्रू* भुकेला असेल, तर त्याला खायला भाकर दे;तो तहानलेला असेल, तर त्याला प्यायला पाणी दे.+
२२ कारण असं केल्यामुळे तू त्याच्या डोक्यावर निखाऱ्‍यांचा ढीग रचशील,*+आणि यहोवा तुला प्रतिफळ देईल.
२३ उत्तरेकडच्या वाऱ्‍यासोबत पाऊस येतोच,तसंच निंदा करणारी जीभ राग आणते.+
२४ भांडखोर* बायकोसोबत एकाच घरात राहण्यापेक्षा,छताच्या कोपऱ्‍यावर राहणं बरं!+
२५ थकलेल्या जिवाला* जसं गार पाणी,तशी दूरच्या देशाहून आलेली चांगली बातमी असते.+
२६ दुष्टासमोर हात टेकणारा* नीतिमान माणूस,गढूळ झालेल्या झऱ्‍यासारखा आणि दूषित झालेल्या विहिरीसारखा असतो.
२७ खूप जास्त मध खाणं जसं चांगलं नाही,+तसंच स्वतःचा गौरव करणंही चांगलं नाही.+
२८ रागावर नियंत्रण नसलेला माणूस,तटबंदी पडलेल्या शहरासारखा असतो.+
तळटीपा
^ किंवा “नक्कल करून एकत्र केलेली.”
^ किंवा “पण इतरांची गुपितं.”
^ किंवा “बदनामी करण्यासाठी उठवलेली अफवा.”
^ किंवा “मालकाच्या जिवाला.”
^ शब्दशः “खोटेपणाच्या भेटवस्तूबद्दल.”
^ किंवा “सौम्य.”
^ किंवा कदाचित, “धोकेबाज.”
^ किंवा “क्षार.” इथे दिलेला हिब्रू शब्द सोडा या रसायनाला सूचित करतो.
^ एक आंबट द्रव. इंग्रजीत विनेगर.
^ शब्दशः “तुझा द्वेष करणारा.”
^ म्हणजे, त्या व्यक्‍तीची कठोर वृत्ती सौम्य करणं.
^ किंवा “कटकट्या.”
^ शब्दार्थसूची पाहा.
^ किंवा “हार मानणारा; हातमिळवणी करणारा.” शब्दशः “दुष्टासमोर लटपटणारा.”
