SUĠĠETT PRINĊIPALI | ALLA INTERESSAT FIK?
Alla jrid li jersaq qrib tiegħek
“Ebda bniedem ma jistaʼ jiġi għandi jekk ma jiġbdux il-Missier li bagħatni.”—ĠWANNI 6:44.
GĦALA HEMM MIN JIDDUBITA: Ħafna nies li jemmnu f’Alla jħossuhom imbegħdin minnu. “Jien kont narah biss bħala l-Alla li ħalaq kollox,” tgħid Christina, mara mill-Irlanda li kienet tmur il-knisja kull ġimgħa. “Imma ma kontx nafu. Lanqas darba waħda ma ħassejtni qribu.”
X’TGĦALLEM IL-KELMA T’ALLA: Meta nħossuna qisna ras maqtugħa, Ġeħova ma jaqtax qalbu minna. Biex juri kemm Alla jieħu ħsiebna, Ġesù qal: “Jekk raġel ikollu mitt nagħġa u tintilef waħda minnhom, ma jħallix hu lid-disgħa u disgħin fuq il-muntanji u jitlaq ifittex lil dik li ntilfitlu?” It-tagħlima? “Bl-istess mod, Missieri li hu fis-sema ma jridx li jinqered wieħed minn dawn iċ-ċkejknin.”—Mattew 18:12-14.
Kull wieħed “minn dawn iċ-ċkejknin” hu prezzjuż għal Alla. Alla kif “ifittex lil dik li ntilfitlu”? Skont l-iskrittura kkwotata fil-bidu, Ġeħova jiġbed lin-nies lejh.
Ikkunsidra kif Alla ħa l-inizjattiva biex jiġbed lejh individwi sinċieri. Fl-ewwel seklu WK, Alla bagħat lid-dixxiplu Kristjan Filippu biex jiltaqaʼ maʼcheck uffiċjal Etjopjan u jiddiskuti t-tifsir taʼ profezija Biblika li dan kien qed jaqra. (Atti 8:26-39) Iktar tard, Alla dderieġa lill-appostlu Pietru jmur id-dar taʼ uffiċjal Ruman jismu Kornelju, li kien qed jitlob u jistinka biex iqim lil Alla. (Atti 10:1-48) Ukoll, Alla ggwida lill-appostlu Pawlu u lil sħabu lejn xmara barra l-belt taʼ Filippi. Hemmhekk, iltaqgħu maʼcheck “aduratriċi t’Alla” jisimha Lidja, u “Ġeħova fetħilha qalbha beraħ biex taċċetta dak li kien qed jgħid Pawlu.”—Atti 16:9-15.
F’kull każ, Ġeħova għamel ċert li dawk li kienu qed ifittxuh kellhom opportunità li jsiru jafuh. Min illum imur għand in-nies f’darhom u fil-postijiet pubbliċi biex jaqsam il-messaġġ tal-Bibbja dwar Alla? Ħafna jwieġbu “x-Xhieda taʼ Ġeħova.” Saqsi lilek innifsek: ‘Jistaʼ jkun li Alla qed juża lilhom biex jiġbidni lejh?’ Inħeġġuk titlob lil Alla biex jgħinek twieġeb għall-isforzi tiegħu biex jiġbdek lejh. *
^ par. 8 Għal iktar informazzjoni, ara l-vidjowGħala għandek tistudja l-Bibbja? fuq www.dan124.com/mt