Go fediša tlala ga se feela taba ya tšweletšo ya dijo. Go akanyetšwa gore balemi ga bjale ba tšweletša dijo tše lekanego go ka fepa batho ba dibilione tše 12—e lego palo yeo e fetago ya badudi ba gona bjale ba lefase ka dibilione tše 5. Tabakgolo ke mathata ao a tswalanago le tša boiphedišo, go abja ga dijo le go senywa ga tšona.

Mo e nyakilego go ba kotara (24 lekgolong) ya ditsebi tšeo di arabetšego tšeo di šomago ka tša ditšhelete di dumela gore “di ka swanelwa ke go itshwara ka tsela ya go se botege goba e sego molaong e le gore di atlege.” Tekanyo ya 16 lekgolong ya ditsebi tšeo e dumetše gore e ka dira bosenyi “ge e ba e ka se swarwe.”

Kua Argentina, barutiši ba 3 go ba 5 ba kgopela nako ya go se ye mošomong ka baka la kgateletšego goba bošoro bja mešomong ya bona.

Go se go ye kae go tla ata malapa a batho bao ba dulago ba nnoši kua Korea Borwa.

Go akanywa gore peditharong ya metse e megolo ya China e tla palelwa ke go fihlelela tekanyetšo e mpsha ya mmušo ya gore go be le moya o hlwekilego yeo e tlago go thoma go šoma ka 2016. Go oketša moo, meetse a mantši ao a hwetšwago methopong ya ka fase a tšewa e le “a sa hlwekago goba a sa hlwekago wa go šiiša.”