Kodi Baibulo Limanena Zotani?
Kodi anthu ndi amene anayambitsa kupembedza?
ANTHU ENA AMAKHULUPIRIRA kuti anthu anayambitsa okha zoti azipembedza. Ena amakhulupirira kuti Mulungu amagwiritsa ntchito chipembedzo pofuna kuthandiza anthu kuti akhale naye pa ubwenzi. Kodi inuyo mukuganiza bwanji?
ZIMENE BAIBULO LIMANENA
Pali “kupembedza koyera ndi kosaipitsidwa kwa Mulungu ndi Atate wathu.” (Yakobo 1:27) Mfundoyi ikusonyeza kuti pali chipembedzo choona chimene Mulungu anayambitsa.
MFUNDO ZINANSO ZOMWE BAIBULO LIMANENA
Mulungu amasangalala ndi chipembedzo chimene chimaphunzitsa mfundo za m’Baibulo.
—Yohane 4:23, 24. Zipembedzo zimene zimaphunzitsa mfundo za anthu n’zosathandiza.
—Maliko 7:7, 8.
Kodi munthu ayenera kukhala m’chipembedzo chinachake?
KODI MUNGAYANKHE BWANJI?
Inde
Ayi
Mwina
ZIMENE BAIBULO LIMANENA
“Tiyeni tiganizirane kuti tilimbikitsane pa chikondi ndi ntchito zabwino. Tisaleke kusonkhana pamodzi.” (Aheberi 10:24, 25) Choncho Mulungu amafuna kuti anthu amene amamulambira azisonkhana pamodzi mogwirizana.
MFUNDO ZINANSO ZOMWE BAIBULO LIMANENA
Anthu omwe amalambira Mulungu mogwirizana amayenera kukhulupirira mfundo zofanana.
—1 Akorinto 1:10, 11. Anthu a m’chipembedzo chimene Mulungu amavomereza ndi ogwirizana padziko lonse.
—1 Petulo 2:17.
Mwina Mungakondenso Kudziwa Izi
KUYANKHA MAFUNSO A M’BAIBULO
Kodi Ndingachidziwe Bwanji Chipembedzo Cholondola?
Kodi ineyo ndikuona kuti chimenechi ndi chipembedzodi cholondola?
NSANJA YA OLONDA
Kodi Pali Chipembedzo Chimene Mungachikhulupirire?
Kodi nthawi ina chipembedzo chinakukhumudwitsanipo? Ngati zimenezi zinakuchitikirani, mwina zingakuvuteni kukhulupirira chipembedzo chilichonse. Kodi kuphunzira Baibulo kungakuthandizeni bwanji pa nkhani imeneyi?
GALAMUKANI!
Zimene Baibulo Limanena pa Nkhani ya Zipembedzo
Baibulo limanena chifukwa chake pali zipembedzo zambiri chonchi.
