خدا دی بادشاہی نے 1914 چ اسمان تے حکمرانی شروع کر دِتی سی۔ انسانی حکومتاں دا آخری دَور وی اوہدوں ای شروع ہو گیا سی۔ اَسی ایہہ کیوں کہہ سکنے آں؟ ایہہ جانن لئی بائبل دی اِک پیشین‌گوئی تے غور کرو نالے ایہہ وی ویکھو کہ 1914 توں دُنیا دے حالاتاں تے لوکاں دے رویے چ کیہہ تبدیلی آئی اے۔‏

1.‏ بائبل دی اِک پیشین‌گوئی توں کیہہ پتہ چلدا اے؟‏

دانی‌ایل دی کتاب چ کیتی گئی پیشین‌گوئی توں پتہ چلدا اے کہ خدا دی بادشاہی نے ستَ دَور دے آخر چ حکمرانی شروع کرنی سی۔ (‏دانی‌ایل 4:‏16، 17‏)‏ کئی صدیاں بعد یسوع مسیح نے ایس دَور دا ذکر کردے ہوئیاں ایہنوں قوماں دا مقررہ وقت کہیا۔ نالے اوہنے دَسیا کہ ایہہ دَور اوہدے زمانے چ ختم نئیں ہونا سی۔ (‏لُوقا 21:‏24‏)‏ اَسی اَگے جا کے سکھاں گے کہ ستَ دَور دا عرصہ 1914 چ ختم ہویا۔‏

2.‏ 1914 توں دُنیا دے حالاتاں تے لوکاں دے رویے توں کیہہ پتہ چلدا اے؟‏

یسوع دے شاگرداں نے اوہنوں پچھیا:‏ تواڈی موجودگی تے دُنیا دے آخری زمانے دی نشانی کیہہ ہوئے گی؟ (‏متی 24:‏3‏)‏ یسوع نے اوہناں نُوں دَسیا کہ جدوں اوہ اسمان تے بادشاہی شروع کرے گا اوہدوں زمین تے حالات وِگڑ جان گے جیویں کہ جنگاں ہون گیاں، کال پین گے تے زلزلے آن گے۔ (‏متی 24:‏7 نُوں پڑھو۔)‏ بائبل چ ایہہ وی پہلاں توں دَسیا گیا سی کہ آخری زمانے چ لوکاں دے بُرے رویے دی وجہ توں مشکل وقت آئے گا۔‏ (‏2-‏تیمُتھیُس 3:‏1-‏5‏)‏ 1914 توں دُنیا دے حالاتاں چ آن والی تبدیلی صاف ویکھی جا سکدی اے۔‏

3.‏ جدوں توں خدا دی بادشاہی نے حکمرانی شروع کیتی اے دُنیا دے حالات اینے وِگڑ کیوں گئے نیں؟‏

یسوع نے بادشاہ بنن توں فوراً بعد اسمان تے شیطان تے اوہدے ساتھیاں نال جنگ کیتی۔ شیطان ایہہ جنگ ہار گیا۔ پاک کلام چ دَسیا گیا اے کہ ایس جنگ دے بعد شیطان نُوں زمین تے سُٹ دِتا گیا تے اوہدے فرشتیاں نُوں وی اوہدے نال سُٹ دِتا گیا۔‏ (‏مکاشفہ 12:‏9، 10،‏ 12‏)‏ ہُن شیطان نُوں پتہ اے کہ اوہنوں بوہت چھیتی ختم کر دِتا جائے گا ایس لئی اوہنے ساری زمین تے اَت چُکی ہوئی اے۔ ایسے وجہ توں اَج زمین تے حالات بوہت وِگڑے ہوئے نیں تے ہر پاسے دُکھ تے تکلیف پھیلی ہوئی اے۔ پر خدا دی بادشاہی بڑی چھیتی حالات صحی کر دَوے گی۔‏

 ہور سوچ‌وچار لئی

4.‏ بائبل دی پیشین‌گوئی جنہے 1914 وَل اشارہ کیتا

پیشین‌گوئی دی پہلی تکمیل چ .‏ .‏ .‏

• ‏(‏4)‏ درخت کدے وَل اشارہ کردا اے؟—‏22 ایت نُوں ویکھو۔‏

• ‏(‏5)‏ اوہدی حکمرانی نُوں کیویں روکیا گیا؟‏‏—‏دانی‌ایل 4:‏29-‏33 نُوں پڑھو۔‏

• ‏(‏6)‏ ستَ دَور ختم ہون توں بعد نبوکدنضر نال کیہہ ہویا؟‏‏—‏دانی‌ایل 4:‏34-‏36 نُوں پڑھو۔‏

پیشین‌گوئی دی دُوجی تکمیل چ .‏ .‏ .‏

• ‏(‏7)‏ درخت کدے وَل اشارہ کردا اے؟‏‏—‏1-‏تواریخ 29:‏23 نُوں پڑھو۔‏

• ‏(‏8)‏ بنی اِسرائیل دے بادشاہواں دی حکمرانی کیویں روکی گئی؟ اَسی کیوں کیہہ سکنے آں کہ ایہہ حکمرانی اوہدوں وی رُکی ہوئی سی جدوں یسوع زمین تے سی؟‏‏—‏لُوقا 21:‏24 نُوں پڑھو۔‏

• ‏(‏9)‏ ایہہ حکمرانی فیر توں کدوں تے کتھے قائم ہوئی؟‏

 6.‏ خدا دی بادشاہی سانوں کیہہ کرن دی ہلاشیری دیندی اے؟‏

متی 24:‏3،‏ 14 نُوں پڑھو تے فیر ایہناں سوالاں تے گل بات کرو:‏

• کیس اہم کم توں ظاہر ہوندا اے کہ خدا دی بادشاہی ہُن حکمرانی کر رہی اے؟‏

• تُسی ایس کم چ حصہ کیویں لے سکدے او؟‏

خدا دی بادشاہی ہُن حکمرانی کر رہی اے تے بوہت ای چھیتی ایہہ زمین تے وی اپنا کم شروع کر دے گی۔ عبرانیوں 10:‏24، 25 نُوں پڑھو تے فیر ایس سوال تے گل بات کرو:‏

• کیونکہ ایس دُنیا دا خاتمہ نیڑے وے ایس لئی سانوں ساریاں نُوں کیہہ کرنا چاہی دا اے؟‏

 خلاصہ

دُنیا دے حالاتاں تے بائبل دِیاں پیشین‌گوئیاں توں پتہ چلدا اے کہ خدا دی بادشاہی نے حکمرانی شروع کر دِتی اے۔ ایس گل تے اپنا ایمان ظاہر کرن لئی اَسی اپنیاں عبادتاں تے جانے آں تے لوکاں نُوں بادشاہی دی خوش‌خبری سنانے آں۔‏

دہرائی

• دانی‌ایل دی کتاب چ جیہڑے ستَ دَوراں دا ذکر کیتا گیا اے اوہناں دے آخر تے کیہہ ہویا سی؟‏

• توانوں ایس گل تے یقین کیوں اے کہ خدا دی بادشاہی نے 1914 چ حکمرانی شروع کر دِتی سی؟‏

• تُسی ایس گل تے اپنا ایمان کیویں ظاہر کر سکدے او کہ خدا دی بادشاہی ہُن حکمرانی کر رہی اے؟‏