LECCIÓN 35
¿Imasnara ali ruraigunara ajllana ushanchi?
Tucuiguna ima ruranara ajllana anchi. Huaquin ñucanchi ajllashcauna ñucanchira yanapana, turmindachinas ushan shinallara Jehovahua ali amigo tucungaj yanapanga o mana tucungaj. Huaquimbi ajllana anchi maibi causana, ministishca cullquira charingahua imara rurana, casarana o mana casaranas. Ali ruraigunara ajllasha ñucanchi cushi tucushun, Jehová Diostas cushiyachishun.
1. ¿Imasnara Biblia yanapana ushan ali ruraigunara ajllangaj?
Ima ruranara manara ajllashcallaira Diosta oraciombi mañai. Can rurangaraushcamanda ima Dios iyashcara yachangaj Bibliai mascai (leai Proverbios 2:3-6). Huaquimbi Jehová pasajta ricuchin ima rurana ashcara. Shina mandajpi cai mandashcara casuna mas alimi anga.
Shinajpis ¿Bibliai caita chita rurangaj mana pasajta nijpis? Jehová ‘ali ñambii purichu’ canda yachachinga (Isaías 48:17). ¿Imasnara? Bibliamanda iyaigunahua ñucanchira yachachinga. Bibliamanda iyaiguna ñucanchira yanapan Jehová ima sintishcara, ima iyashcaras intindingaj. Caita Bibliara leashcai intindinchi. Casna Jehová Dios munashca shina ali ruraigunara ajllashun.
2. Imara rurangaj manara ajllashcallaira ¿imara iyarina angui?
Biblia nin “iyaiyuj runa alira riparasha purin” (Proverbios 14:15). Cai intindichinmi ima ruranara manara ajllashcallaira shayarina anchi iyaringahua, caita chita ima ruranara ajllangaj. Chita, caita ruranara ricusha casna tapuri: “¿Imara Biblia caimanda yachachin? ¿Caita ajllasha ali sintirishachu? ¿Imasnara shujcunara sintichisha caita ajllasha? ¿Caita ajllasha Jehová Diosta cushiyachishachu?” (Deuteronomio 32:29).
Dios dirichu charin rimangahua imara ali, manali ajta. Diospa leygunara, Bibliamanda iyaigunaras ali ricsisha caigunara shungumanda casunchi, shinallara ñucanchi iyaira ali rurangaj yachachishun. Ñucanchi ucui tiaj iyai shu rimashca shimi cuinta an ali manali ajta riparachin (Romanos 2:14, 15). Ali gustu iyai charina ali ruraigunara ajllangahua yanapanga.
MAS YACHAI
Yachai imasnara Bibliamanda iyaiguna, ñucanchi ali gustu iyai charinas ali ruraigunara ajllangaj yanapan.
3. Biblia canda yanapachu saqui
¿Imasnara Bibliamanda iyaiguna yanapan ali ruraigunara ajllana huraspi? VIDEORA ricuichi, huasha catij tapuigunamanda rimaichi:
-
¿Ima ali gustu cuyashcara Jehová ñucanchima cushca?
-
¿Imarasha Jehová caran shuj quiquinllara ajllangahua saquin?
-
¿Imasnara Dios ñucanchira yanapan ali ruraigunara ajllangaj?
Bibliamanda yachachishcara ricungahua leaichi Efesios 5:15, 16pi. Leashca huasha cuintanunguichi imara rurana anchi ‘timpura mana pirdingahua’ caita ruranai.
-
Bibliara caran punzha leangaj.
-
Ali yayauna, cariuna, huarmiuna, churiunas tucungaj.
-
Congregación tandarinaunama ringaj.
4. Camba quiquin iyaira yachachi ali ruraigunara ajllangaj
Biblia caita rurai nijpi, ali ruraigunara ajllangaj ahualla anga. Shinajpis ¿huaquimbi mana pasajta nijpi? VIDEORA ricuichi, huasha catij tapuimanda rimaichi:
-
Videoibi ricushca shina ¿imara shu pani rurarca paihua quiquin iyaira yachachingahua, Dios munashca shina ajllangahuas?
Ñucanchi ajllana randi shujcuna ñucanchimanda ajllanuchu ¿imarasha mana mañana anchi? Leaichi Hebreos 5:14, huasha catij tapuigunamanda rimaichi:
-
Ñucanchimanda shujcuna ima ruranara ajllachu mañanalla ajpis ¿imarasha caran shuj ima ruranara ajllana anchi?
-
¿Ima yanapaira charinchi ali iyaira charingahua ali ruraigunara ajllangahuas?
Ali iyai charina shu mapa cuinta an, causaibi mai ñambi ringaj ajllanara yanapan.
5. Shujcuna iyai charinara respetashun
Tucuiguna caran shuj tunu ashcaraigu, caran tunu ruraigunara ajllanchi. ¿Imasnara ricuchinchi shujcuna iyaira respetashcara? Ishqui pasashcara ricushun.
1. Ñahuira pintangaj yapa gustaj pani shuj congregaciombi yanapangaj rin, chi mushuj congregaciombi pai ñahui pintashcara ricusha ashca paniuna manali sintirinun.
Leaichi Romanos 15:1; 1 Corintios 10:23, 24, huasha catij tapuimanda rimaichi:
-
Cai versiculoguna yachachishca shina ¿imara rurana an cai pani? Huaquimbi ñucanchi iyaibi huaquin ruraigunara ali ricurin, shinajpis shujcuna iyaibi cai manali ricurin. Shina tucujpi can ¿imara ruranguima?
2. Shu huauqui yachanmi ansahualla upina mana ucha ashcara, shinajpis ansahualla upinaras mana munanzhu. Shu punzha huauquiuna paita istama cumbiranun, chibi huauqui paniuna tragura upirianujta ricun.
Leaichi Eclesiastés 7:16; Romanos 14:1, 10, huasha catij tapuimanda rimaichi:
-
Cai versiculoguna yachachishca shina ¿imara rurana an cai huauqui? Shujcuna rurashca paiguna iyaibi ali ricurijpis, randi camba iyaibi manali ricurijpi ¿imara can ruranguima?
¿Imara rurana angui ali ruraigunara ajllangahua?
1. Jehová Diosta oraciombi mañai. Pai yanapaihua ima ruranara yachana ushangui (Santiago 1:5).
2. Mas yachangaj mascai. Bibliai, Bibliamanda quillcaunais Jehová camachishcaunara mascana ushangui. Shinallara sabiru huauqui paniunara tapungui.
3. Imasna sintichinai iyai. Can rurangaj ajllashcauna canda, shujcunaras imasna sintichinara iyari.
RUNAUNA CASNA NINUJPI: “Can munashcasna rurangaj dirichu charingui. ¡Mana imaschu shujcuna iyashcauna!”.
-
¿Imarasha iyarina anchi Dios imasna sintishcara, shujcuna imasna sintishcaras?
IMARA YACHASHCANGUI
Ali ruraigunara ajllanchi Jehová ima iyashcara yachasha shinallara ñucanchi rurashcauna shujcunara yanapana o llaquichina ushashcara riparasha.
Iyaringaj
-
¿Imasnara Jehová Dios munashcara ajllana ushangui?
-
¿Imara rurana ushangui yachachingaj camba iyaira ali rurangaj?
-
¿Imasnara can respetashcara ricuchina ushangui shujcuna iyai charishcara?
RICUNGUI
¿Imasnara can rurangaj ajllashca Dioshua mas amigo tucungaj yanapanga?
“Ñucanchi rurangaj ajllashcaunahua Diosta ahuayachishun” (La Atalaya, 15 de abril de 2011)
Dios ñucanchima imasna camachishcara mas ali intindi.
Ricui shu runara imara yanapaca shinzhi ajpis ali ruranara ajllangaj.
Ricui Jehová mandashcauna mana pasajta ricurijpis imasnara paita cushiyachina ushangui.
“¿Ministirinzhu tucui huras Bibliai Dios mandashcauna tiachu?” (La Atalaya, 1 de diciembre de 2003)
Cai temagunaras leana munanguichari
TAPUIGUNA
Jehovahuaj testigoguna Bibliamanda yachachinchi
Jehovahuaj testigogunahua gratis Bibliamanda yachashcai can munashca Bibliara utilizana ushangui. Astaumbas munasha camba ailluunara amigogunaras cumbirana ushangui canhua yachangaj.
